Hei og velkomen til livedekning av denne første runda i Noregsmeisterskapet og oppgjeret mellom Brattvåg og Hødd!

Det er to lag med mange oppgjer mellom seg siste åra som møtast på Brattvåg kunstgress i dag. Favoritten Hødd rykka opp frå 2. divisjon i fjor, medan heimelaget frå Haram kommune framleis befinn seg på nivå 3. Sidan 2013 har laga møttest 15 gongar. Her har det vore relativt jamt, med 8-1-6 i favør bortelaget frå Ulsteinvik.

Førre sesong vann Hødd begge oppgjera (3-1 heime og 2-0 borte). I NM-samanheng har dei møttest tre gongar, og her har faktisk Brattvåg avansert ved to av høva. Siste cupoppgjeret var i 2023, då eit mål av Sondre Beite i det 2. minutt var nok til at laget vann 1-0.

Dei største bragdene til Brattvåg i cupsamanheng i nyare tid kom i 2016 og 2023, då laget kom seg til 4. runde. I 2016 rauk dei 1-0 for Kongsvinger, medan det i forfjor blei heile 1-7-tap på heimebane mot Brann. Blant anna laga Bård Finne fire mål den kampen.

Hødd frå Ulsteinvik har på si side ei langt gjevare cuphistorie å vise til. Som kjent gjekk laget heilt til topps i 2012, då dei slo storfavoritten Tromsø på straffespark i finalen på Ullevaal. Ikkje akkurat ein liten prestasjon av laget som også då var i 1. divisjon.

Thomas Pedersen og Brattvåg har gjort unna to kampar i 2. divisjon hittil denne sesongen. Førre runde enda med eit knepent 3-4-tap for Brann 2, medan dei helga før vann 2-1 heime mot Sandviken.

Heimelaget gjer for øvrig nokre endringar på laget sidan sist kamp. Marius Refsnes, Oscar Solnørdal og Sami Kamel er alle ute av laget av ulike årsakar, medan Ulrik Syversen, Ruben Myers og Leonardo Rossi er inne i startellevaren.

Også Marius Bøe gjer nokre endringar på laget etter det skuffande heimetapet for Kongsvinger sist. Peder Hoel Lervik kjem inn for Marius Ulla i Hødd-målet, medan Robin Hjelmeseth, Fredrik Dimmen Gjerde og Andreas Waterfield Skjold er andre nye namn på laget. Den største overraskinga i troppa er at 2008-modellen Markus Teige Moltubakk befinn seg på benken. Stor stas for ungguten!

Dagens domar er for øvrig Jan Morten Tennøy frå Nore Neset.

Lang ball i bakrom mot Skotheim, men Henriksen kjem raskt ut og plukkar.

Frisk start på kampen av Brattvåg sin nummer 21, Diedrick Bubahe.

Frisk start på kampen! Begge lag har vore veldig angrepsvillige.

Hødd-keeper Lervik gjer for øvrig sin debut for Hødd i dag. 19-åringen er på lån frå Molde.

Elles kan vi nemne at Brattvåg-trenar Thomas Pedersen også har ei lita fortid i nettopp Hødd. Den tidlegare AaFK-spelaren var nemleg på lån her tilbake i 2007.

Heimelaget har vist fantastisk energi i starten her. Hødd har rett nok skapt fleire store sjansar, men har også vore relativt utrygge bakover til tider.

Fredrik Dimmen Gjerde ligg nede for Hødd etter eit samanstøyt. Stopp i spelet.

Meget pent spel av Hødd. Nære på at Kallevåg finn Skjold i scoringsposisjon.

Så er det Hødd som vil presse høgt. Bana i Brattvåg er relativt kort, så det passar ypperleg med aggressivt toppress her.

Småskummelt. Ballen fyk gjennom heile Brattvåg-feltet, og det er ikkje langt unna at Visted når fram på den.

Visted slår inn frå høgre etter ei gjenvinning, men Skjold sender det påfølgjande skotet høgt over mål. Svakt utnytta.

Nok ein gong gode kombinasjonar frå Hødd. Like før Skotheim kjem seg fri med ballen inne i boksa.

Kallevåg med innlegg frå venstre, men nok ein gong fangar Henriksen ballen lett.

Visted med skummelt innlegg frå høgre, men Bubahe stangar unna.

Brattvåg leiar 1-0 etter dei første 45 minutta av denne 1. runde-kampen av Noregsmeisterskapet. Rossi putta ein retur bak Lervik i Hødd-målet allereie i det 9. minutt. Sjansemessig har nok Hødd vore kvassast, men Brattvåg har vist stor energi og skapt mykje trøbbel for førehandsfavoritten. No er det berre å glede seg til andre akt av dette dramaet!

No står laga klare igjen.

Nytoft blir spelt fri i bakrom, men klarer ikkje å få avslutta eller gitt vidare til ein medspelar. Nære på.

Heimelaget med innlegg frå høgre. Forbi alle i feltet.

Hjelmeseth får lagt inn frå høgre, men Bubahe er på plass inne i boksa og får rydda opp. Solid av 19-åringen med ei fortid i AaFK.

Til tider ganske slapt det Hødd presterer her. Til tider mykje meir energi i heimelaget.

Skjold kjem til avslutning frå utanfor boksa etter at Hødd vinn att kula.

Skummelt innlegg i boksa til Hødd. Bortelaget får klarert til corner.

Vanskeleg å skjøne at det er Hødd som treng mål her utifrå spelet. Bortelaget ligg djupt og forsvarar seg, medan Brattvåg trillar ball og prøvar å finne opningane som skal gje 2-0.

Grei sjanse for heimelaget. Tveiten får vendt opp og avslutta etter eit balltap frå bortelaget, men skotet går via eit bein og dalar berre ned i fanget til Hødd-keeper Lervik.

Litt over 20 minutt att å spele. Framleis ingen sluttspurt frå bortelaget. Faktisk er Brattvåg nærare 2-0 enn Hødd er utlikning i augneblinken.

Myers bankar til frå utanfor boksa, men skotet blir blokkert umiddelbart.

Urnes kjem til avslutning frå langt hald, men Henriksen reddar enkelt.

Nære på at Nytoft kjem åleine igjennom på nytt. Berre ei strålande takling frå Johansen hindrar at han kjem åleine med keeper.

Ein Brattvåg-spelar ligg nede etter ein ettersleng.

Dermed blei det ikkje noko innhopp på unge Aske for Hødd - enn så lenge. Har teke på seg overtrekken igjen.

Målscorar Andreas Skjold er for øvrig ny i Hødd etter overgang frå Notodden. Han har også vore innom Strømsgodset tidlegare.

Brattvåg kjem på ei kontring, men det avgjerande innlegget frå Solli går forbi alle.

489 tilskodarar på Brattvåg kunstgress i dag. Dei har fått sjå ein artig kamp med mykje energi hittil.

Roppen skal kaste langt. Endar berre med utspel etter kvart.

Ein Brattvåg-spelar ligg nede etter ein duell. Får tilsyn.

Heimefansen gjer sitt for å lage liv på tribunene i det det rungar "Heia Brattvåg" over tribuna.

Litt meir avventande spelet no. Spørs om ikkje begge lag tenker at det skal bli ekstraomgangar.

Brandal kjem seg fri bak Brattvåg-forsvaret, men vinkelen er så spiss at han berre sender skotet trillande forbi mål.

Det er faktisk heimelaget som pressar på her.

Ekstraomgangar i Brattvåg! Heimelaget var klart best i 2. omgang, men det var altså Hødd som fekk scoringa og 1-1. No blir det 30 nye minutt med fotball her.

Brattvåg imponerte verkeleg dei første 90 minutta, og det har ikkje vore lett å sjå divisjonsskilnaden på laga.

Mykje nesten for begge lag. Forarbeida er bra, men oftast stoppar det opp på siste tredjedelen.

Nære på at Solli finn Dahle inne i boksa. Hødd får rydda opp.

Hødd slår mykje langt når dei har utspel. Som regel har Brattvåg rydda bra opp.

Det står framleis 1-1 etter at første ekstraomgang er unnagjort. Einaste sjansen verdt å nemne var det heimelaget som stod for, men det enda altså utan scoring. No er det 15 minutt å gjere det på for dei som ikkje ønsker å måtte gjennom straffesparkkonkurranse.

Veldig nære for innbytar Aske. Får med seg ballen inn bak Brattvåg-forsvaret, men får aldri den plassen han treng til å få avslutta skikkeleg. Henriksen får til slutt tak i kula.

Aske får ballen i god posisjon igjen, men klarer ikkje å skaffe seg nok plass til å få avslutta.

Roppen skal kaste langt.

Kastet sprett gjennom feltet, men ingen i kvitt kjem på den.

Eit lite Hødd-press endar med at Roppen avsluttar ufarleg rett på Henriksen.

Hands på ein Hødd-spelar og frispark til heimelaget. Har denne kampen fleire sjansar i seg, eller blir det straffespark?

Heimelaget får rydda vekk eit innlegg frå Roppen, men ballen går berre ut i feltet der Kallevåg bankar den høgt over mål. Svakt skot av den elles så solide veteranen.

Det blir straffesparkkonkurranse i Brattvåg! Hødd var meir vasse denne omgangen, men til trass for nokre brukbare moglegheiter kom dei ikkje til skikkelege sjansar. Brattvåg forsvarte seg godt. No blir det spanande å sjå kva for spelarar som har mest is i magen i det dei skal avslutte frå ellevemeterane. Heng med!

Sebastian Eide takkar med dette for følgjet. Ha ei fin påske vidare!