Velkommen til livedekning av kampen mellom Sogndal og Kongsvinger i den tredje runda i NM!

Fram til no har begga laga møtt lag frå lågare nivå. Sogndal tok seg forbi Volda i den første runda før dei slo ut Sandviken i neste runde. Kongsvinger har møtt Ridabu og Elverum, og dei tok seg komfortabelt forbi begge laga. Dette blir den første store testen i NM i år for desse laga.

Dette blir ein spesiell dag for Luis Pimenta. Han har gode minner frå den tida han trente Kongsvinger, og tok dei til cupfinalen i 2016. Dette er noko han ønskjer å gjenta med Sogndal, men då må han ta seg forbi sin gamle klubb først.

Det blir spennande å sjå om det blir mykje rotering på laga, eller om dei startar omtrent likt som i serien. Sogndal har hatt mange skadar i forsvaret, men Per-Egil Flo og Mathias Øren er på veg tilbake. Flo kom inn mot slutten av kampen mot Mjøndalen i helga. For Kongsvinger er det ikkje utenkeleg at 18 år gamle Armand Øverby kjem til å starte. Han scora i kampen mot Elverum i førre runde, og er eit brukbart alternativ om Haren eller Williams må kvilast.

Steinar Hauge er hovuddommar på Fosshaugane i dag. Jim André Dyb og Erland Hareland er assistentar. Markus Lille er fjerdedommar.

Sogndal gjer tre endringar frå kampen mot Mjøndalen. Flo er tilbake frå start for første gong i år, og Onyango er inne som høgreback. Steinset kjem inn for Pedersen på midtbana, og det betyr at Hagen får prøve seg i rolla som offensiv midtbanespelar. Kongsvinger gjer fem endringar frå tapet mot Ranheim. Saathof og Sandstad er inne i forsvaret. Taylor og Grundt kjem inn som indreløparar. Unge Øverby er inne som venstrekant.

Heimelaget tek avspark, og kampen har starta.

Arendrup slår eit innlegg, og bortelaget får corner.

Flataker slår inn mot Steinset, men midtbanespelaren treff ikkje ballen. Heimelaget har opna sterkast.

Vapne slår i bakrom mot Hintsa, men Gorodovoi les pasninga, og får stoppa svensken.

Nok ein gong må Gorodovoi ut av boksen for å stoppe ein lang ball mot Hintsa.

Bortelaget forsøker seg på eit par innlegg, men klarar ikkje å kome seg til større sjansar.

KIL speler seg inn i boksen, og Øverby prøver seg. Avslutninga blir blokkert.

Ein person på tribuna jublar høgt når speaker annonserer at Bryne har leiinga 1-0 over Brann. Laget frå Bergen er ikkje spesielt godt likt av dei mest engasjerte på tribuna i Sogndal.

Corner til bortelaget. Dei har skapt eit lite trykk dei siste minutta.

Keeper er langt ute, og Onyango forsøker seg frå midtbana. Ballen går ut til innkast.

Hintsa prøver seg i nærmaste hjørne. Redning og corner.

Arendrup har mykje rom ute til venstre, men slurvar med eit mottak. Innkast til Sogndal.

Saathof slår ballen rett til Hintsa, men klarar å redde seg sjølv med ei strålande takling.

Bras forsøker seg på eit innlegg, men slår rett i armane til Gorodovoi.

Bortelaget er inne i ein god periode no. Haren involverer seg i midten, og leiter etter løp mellom stopparane til Sogndal. Der har ingen gått, og han slår ballen ut til innspark.

Bras lagar eit frispark etter ein kollisjon med Holtan rett utanfor feltet. Veldig god posisjon til å skyte.

Det tek litt tid før dei kan ta frisparket sidan Bras treng behandling.

Flataker dreg seg framover ute til høgre. Han går inn i bana, og prøver å avslutte med venstrefoten. Ballen sklir av foten, og går ganske langt utanfor.

Sogndal tok ei tidleg leiing, men Kongsvinger snudde kampen i ein god periode. Bortelaget har hatt god kontroll etter at heimelaget opna sterkt, og tvinga fram mange feil. Desse feila har KIL rydda opp i, og har ein fot inne i neste runde i NM.

Haruna skal inn for Sogndal.

Williams er inne som venstrekant, og Øverby har gått over til høgre.

Holtan prøver seg frå spiss vinkel. Hardt i nettveggen. Vanskeleg å score derifrå.

Granheim blokkerer eit forsøk som går ut til corner.

Sandstad vinn ein corner mot Bras.

Svak avslutning frå Pedersen. Skaanes kan skyte sjølv, men sender heller ballen til Pedersen. Går rett i armane på keeper.

Vapne og Bras kombinerer ute på sida. Klarar ikkje å slå inn. Bras kunne ha avslutta sjølv.

Skaanes prøver seg på eit innlegg. Gorodovoi plukkar opp ballen.

Bortelaget skal gjere eit par endringar.

Gjerstrøm forsøker seg frå kanten av sekstenmeteren. Ballen går eit par meter på utsida.

Pedersen fekk seg ein kraftig smell tidlegare i kampen, og seier ifrå om at han treng behandling no.

Borgthorsson varmar opp med drakt og vest i tilfelle Pedersen må gi seg. Sogndal sin nummer 7 prøver litt til.

Onyango rotar det nesten til i eigen boks, men Jendal ryddar opp. Kvar einaste feil kan bli avgjerande no.

Flataker ligg nede, og treng behandling.

Flataker er oppe igjen, men det er mange som kjenner på noko utpå bana no. Dei siste minutta blir tunge for begge lag.

No er også Onyango nede. Han kjem seg opp utan behandling. Tommel opp når benken spør om det går bra.

Granheim er sterk i ein duell mot Christiansen, og sørger for eit utspark. 2007-modellen har vore sterk i dag.

Skaanes snappar ballen, men klarar ikkje å finne ein medspelar i boksen.

Corner til bortelaget!

KIL kjem seg inn i boksen, men Sogndal klarar å slå vekk ballen. Veldig spent stemning no.

Frispark til KIL etter eit langt innkast frå Sjølstad.

Sogndal klarar å bryte når KIL speler seg ut, men blir stoppa når dei kjem seg inn i boksen.

Farleg innlegg frå Skaanes! Ballen går gjennom heile feltet.

Stopparane til Sogndal er ute av posisjon, men KIL klarar ikkje å utnytte det.

Det blir ekstraomgangar etter ein intens omgang etter pause! Det er mange tunge bein utpå bana, og alt ligg til rette for meir spenning i kampen.

Williams prøver å utfordre Jendal. Ballen flakkar litt, men Jendal har kontroll.

Corner til bortelaget ute til høgre.

Skaanes slår inn mot Hintsa, som stussar ballen rett i armane til Gorodovoi.

Williams prøver å slå inn langs bakken, men Jendal les innlegget, og plukkar opp ballen.

Det har vore ein roleg starte på ekstraomgangane. Mange er slitne.

Lars Jendal! Det kjem ei brå avslutning langs bakken som han må reagere kjapt på. Det klarar han, og det er framleis 3-3.

Pimenta fyrer opp publikum. Han vil ha folket med seg.

Williams avsluttar, og det blir corner.

Vinjor skaffar ein corner for Kongsvinger.

Ingen scoringar i første ekstraomgang. Mange av spelarane er slitne, og det er vanskeleg å få til noko kreativt.

Bras beskyttar ballen, og let den gå ut til utspark.

Vapne får ballen i boksen på eit innkast, og prøver å avslutte medan han vender seg. Då er det vanskeleg å sikte, og ballen går over målet.

Williams forsøker seg mot lengste stolpe, men Jendal strekker seg så langt han kan, og slår ballen vekk.

Svakt forsøk frå Dybevik som går rett på Jendal. Sogndal sviktar i presspelet.

Corner for Sogndal!

Vapne frå distanse! Ballen går ein halvmeter over målet. Han er ofte god frå den distansen.

Christiansen kjem seg nesten gjennom til Jendal, men Granheim får ein touch på ballen.

Nundal slår eit farleg innlegg som Gorodovoi slepp ned i bakken. Han klarar å plukke den opp før den skulle gått ut til corner.

Det blir straffesparkkonkurranse etter mållause ekstraomgangar! No ligg omtrent samtlege spelarar nede med krampe.