Velkomen til livedekning av fjerde runde i cupen! Her på Fosshaugane Campus skal Sogndal ta imot Sarpsborg 08.

I første runde skulle sogndølene slå ut Førde. I neste runde måtte dei ta turen til Bergensområdet for å slå Lysekloster. Der måtte dei faktisk ut i ekstraomgangar før dei fekk vinnarmålet. Deretter skulle Moss kome på besøk til Fosshaugane. Det vart ein enkel 2-0-siger for Sogndal. Sarpsborg 08 møtte FuVo i første runde. Dei vart slått 1-3. Så skulle det bli ein intens kamp mot Frigg i neste runde. Stillinga var 3-3 ved fulltid, men Sarpsborg fekk med seg to mål i ekstraomgangane, og var då vidare til neste runde. I førre runde slo dei ut Odd med 3-1.

Det blir spennande å sjå kva slags endringar laga gjer til dagens kamp. Heimelaget må klare seg utan Flataker som er med U19-landslaget til EM. Det vil seie at det i alle fall blir endringar på spissplassen både i denne kampen og i dei neste kampane. Det er også forventa nokre endringar i andre posisjonar. Ifølgje Sarpsborg Arbeiderblad kjem bortelaget til å gjere ein del endringar. På høgreback kjem Høyland inn for Wichne. Utvik er suspendert, så Kvile kjem inn for han. Tibbling kjem inn for Bonsu Baah på kanten. I tillegg kjem Junior Martinsson Ngouali inn på midtbana for Torp. Så får me sjå om SA får rett, eller om det er blitt gjort endringar etter treninga i går.

Det er snakka om mykje kor mange tidlegare Sogndalspelarar det er som speler for Sarpsborg 08. Utvik fekk sitt store gjennombrot i Sogndal, og er godt likt etter hans tid her. Desverre er han ute med karantene, så det blir ikkje noko gjensyn med hans gamle arena i dag. Soltvedt fekk også seg nokre sesongar i saftbygda. Skålevik var også innom klubben på lån i ein kort periode. Men det er ingen tvil om at det er Kristian Fardal Opseth som folk flest gledar seg mest til å sjå tilbake i Sogndal. Han var den store stjerna i 2015 då Sogndal rykka opp til Eliteserien. Han fekk seg legendestatus i Sogndal då han scora tre mål mot Brann i ein 0-4-siger i Bergen. Mange i bygda skulle gjerne sett han spele i kvit drakt i kveld, og ikkje i blå drakt.

Laget til bortelaget er akkurat som meldt. Ingimundarson får sjansen på topp for Sogndal. I tillegg er Twum tilbake inne på laget. Det faste stopparparet får kvile i dag, og Gueye og Flo kjem inn der.

Det nærmar seg kampstart. Det er ganske grei temperatur sjølv om det er overskya og ein del vind. Ein god del bortesupportarar har teke turen sjølv om det er midt i veka.

Sogndal startar med ballen, og sender den høgt i bana.

Sarpsborg får frispark høgt i bana.

Ein merkar ikkje noko særleg til divisjonsforskjellen dei første minutta. Sogndal speler sitt vanlege offensive spel, og pressar bortelaget.

Kampens første store sjanse enda altså med mål.

Skaanes dreg seg ned mot dødlinja, og legg tilbake i boksen. Keeper er utspelt, men ingen i kvit drakt kjem på den først.

Det er stor frustrasjon allereie hos heimelaget når dei meiner dommaren ofte bruker fløyta litt for lett.

Lundqvist slår inn frå høgre, og Flo bommar på ballen. Det kjem brått på Opseth som set ballen ved sidan av målet.

Flo speler ein genial pasning til Nessø i bakrom. Desverre for heimelaget klarar ikkje nordlengingen å gje frå seg ballen til ein medspelar før han blir stoppa.

Jonsson prøver å curle ballen i lengste med venstrefoten sin. Denne gongen var ikkje presisjonen på topp, og ballen går over målet.

Sogndal vinn ballen høgt i bana, og prøver å kontre. Skaanes slår ballen ut til Nessø som kjem i full fart til høgre. Han avsluttar med ein gong, og klarar ikkje å treffe målet.

Sogndal prøver seg på eit par innlegg utan suksess. Ingimundarson har kkje enno vist seg fram i ein posisjon som er ganske ny for han.

Hoven prøver seg med venstre! Blir blokkert.

Kvile ligg nede etter ein duell. Han får hjelp medan resten tek seg ein drikkepause.

1-1 er eit ganske fortjent resultat så langt. Sogndal klarar absolutt å hevde seg med Sarpsborg sjølv om Opseth gjer det vanskeleg for stopparane til heimelaget.

Hoven slår inn mot Ingimundarson på bakerste stolpe. Innlegget går eit par centimeter for langt fram, og islendingen får ikkje nok kontakt med ballen.

Ørjasæter prøver seg, men den blir blokkert ut til corner.

Dette vart ein tung avslutning på omgangen for bortelaget.

Sogndal dominerer tidvis mot Sarpsborg i første omgang! Ein merkar ikkje spesielt mykje divisjonsforskjellen mellom laga. Sarpsborg viste tidleg i kampen nytta av å ha ein god spiss då Opseth satt inn 1-0. Utanom det har Sarpsborg hatt problem med å skape store sjansar. Sogndal snur kampen etter å ha vist fram det kjappe kombinasjonsspelet sitt som dei har herja med tidlegare i sesongen. Då er det tungt for bortelaget å henge med. Sarpsborg må ta tak i pausen dersom dei vil unngå ein cupsmell mot eit OBOS-lag.

Sarpsborg kastar inn tre nye spelarar etter pausen!

Ørjasæter får ballen ute til venstre. Han prøver å avslutte på nærmaste stolpe, men keeper er kjapt nede og reddar.

Hoven slår ballen ut til corner.

God redning frå Sætren når Sarpsborg prøver å kontre. Twum treng behandling kort tid etterpå. Han har hatt problem med skader den siste tida.

Van der Spa skal inn for Twum som må gje seg.

Twum prøver faktisk litt til sjølv om han signaliserte at han måtte ut.

Gueye prøver ein lang ball mot Hoven. Den blir for lang.

Jonsson er nesten åleine med keeper, men klarte akkurat ikkje å få god nok kontroll over ballen.

Wichne dreg med seg ballen inn i boksen. Den første avslutninga hans blir blokkert. Den andre går i nettveggen.

Både Hoel Andersen og van der Spa kjem inn. Van der Spa uttala faktisk tidleg i sesongen i fjor at Hoel Andersen var den beste spelaran han spelte mot i løpet av dei fire første serierundane.

Endå ein corner til bortelaget.

Det blir ein utruleg spennande avslutning på kampen! Sarpsborg jaktar utlikning.

Bonsu Baah skyt i tverrliggar via ein Sogndalspelar. Corner.

Ingen av laga vil ha ekstraomgangar, men det nærmar seg kjapt.