Hei, og velkommen til denne livedekningen av Vålerenga mot Paok i det vi er i kvalifiseringsrundane til Champions League.

Årets kvalifiseringsrundar til Champions League er av det noko merkeligare slaget. Kortversjonen er at dei spelar kvalifiserings-turneringar med eit vertskapslag som gjestar laga på same stad. I turnering nummer sju har vi Vålerenga, PAOK (Hellas), Mitrovica (Kosovo) og Agarista Anenii Noi (Moldova). Det betyr at Vålerenga spelar kveldens kamp på Makedonikos stadion i Thessaloniki, då kveldens motstandar er vertslag i turnering nummer sju.

Mitrovica frå Kosovo var ingen match for Enga som tok seg vidare til gruppefinale mot PAOK etter at det stod 5-0 på sluttavla. Elise Thorsnes hamra inn tre mål i den kampen etter at ho kom inn i det 70. minutt, men sit også i dag på benken til fordel for Nielsen som gjekk mållaus av bana.

Fjorårets Champions League-eventyr braste raskt saman i første runde mot Brøndby. I ein dramatisk straffekonkurranse kor Stefanovic feila frå ellevemeteren, var det danskane som kunne juble. No har Vålerenga ein ny sjanse, men først må dei ta seg vidare mot PAOK.

Vålerenga går rett i angrep frå avspark, men får ikkje avslutta ordentleg etter at PAOK-forsvaret er tett oppe i markeringane.

Bjelde er som ein varm kniv i smør når ho sklir gjennom midtbana til PAOK med ballen i beina .

Gode tendensar hjå dei blåkledde. Nygard spring på ein ball i bakrom ogfår ballen inne i 16-meteren. Midtbanejuvelen går for eit innlegg. Der er det diverre ingen lagkameratar og grekarane får klarert.

Grekarane med eit svært risky tilbakespel kor Chatzicharistou i PAOK-buret vinn ballen mot Nielsen i ein spurtduell. Synd for den danske spissen og Vålerenga.

No høljar regnet ned i Hellas med tordenbrak i bakgrunnen! Det kan bli ei våt grasbane for spelarane utover kampen om det held fram!

Ballen er mykje på midtbana no og begge lag slit med å etablere godt spel.

Vi er ikkje vitne til noko innertiar av ein kamp i Hellas. Vi har framleis til gode å få ei avslutning frå nokon av laga.

No regnar det så mykje at bana er gått av bana. Usikkert kva som skjer her no.

Kampen er i gong igjen, men no er det verkeleg mykje regn og spelarane klagar til dommar. Skal dei halde fram?

Kampen går sin gang, men det er ein paraodi ute på den våte grasmatta.

Laga går av bana. Det skal ikkje spelast fotball her dei neste minutta. Meir informasjon blir nok gjeven.

Vålerenga vinn eit hjørnespark.

Chatzicharistou får behandling etter kollisjonen. Må PAOK si sisteskanse gi seg?

Vålerenga vinn eit nytt hjørnespark.

Vålerenga får eit frispark på kanten av 16-meteren. Kan Thomsen gjere noko lurt frå den posisjonen?

PAOK får rydda unna innlegget som kjem frå frisparket.

Thomsen les underlaget bra og køyrer på med ei sklitakling på fleire meter.

Madsen lagar frispark, men får seg sjølv ein trøkk. Stopp i spelet medan ho får behandling.

Då er det stopp i spelet, men denne gongen av rettmessige årsaker då det er pause i Hellas. Det har vore ein omgang utanom det vanlege, med stopp i spelet då den årlege sommar-monsunen tok turen. Det gjorde at vi fikk ein pause på drøye 40 minutt medan ein venta på at sola skulle finne vegen. Dei første 30 minutta i regnværet var nesten ikkje spelbare. Dermed fekk ein ikkje registrert ei einaste avslutning i denne perioden. Etter spelepausa våkna også Vålerenga. Dei har skapt fleire farlege moglegheiter i PAOK sin boks. Det er laget frå Oslo som har vore best dei første 45 minutta, og vi gler oss til dei neste 45. Forutsatt at det ikkje kjem ein ny monsun...

Pausa er berre på fem minutt, då dei fekk seg eit lengre opphald før det siste kvarteret vart spelt.

Vålerenga farleg frampå og Synne Jensen får avslutta like utanfor mål. Assistentdommar er diverre oppe med flagget.

Noko unøyaktige avleveringar hjå Enga som slit i oppbygginga av spelet.

Madsen får eit innlegg blokkert og Enga får hjørnespark.

Stolpetreff for Thomsen som blir lobba gjennom av Synne Jensen. No køyrer Vålerenga verkeleg på her!

Nielsen ladar kanonen får kloss hald. Butterfield boksar den ut til hjørnespark. God moglegheit!

Madsen lagar frispark utanfor eigen 16-meter.

Mitkou svingar inn frisparket og Tompkins kastar seg over ballen med begge hender. Sisteskansa får også frispark etter at ein grekar er hensynslaus i jakta på ballen.

Vardali sitt nede hjå PAOK. Får isspray og støtte frå ein halvsirkel av lagvenninner som observerar.

Frispark til PAOK midt på banehalvdelen til VIF. Klarerast.

Hjørnespark til Enga.

Det er dei blå som køyrer på no. Dei ønskjer seg naturligvis endå eit mål for å kunne senke skuldrane.

Thorsnes er på farta etter eit gjennomspel frå Madsen. Ein hårsbredd unna å kunne auke leiinga for Enga, men assistentdommaren er oppe med flagget.

Ingibjörg Sigurdardóttir tek ingen sjansar med tanke på underlaget i det ho spelar ballen ut og droppar eit eventuelt tilbakespel. Her er VIF-damene sikre i det dei foretek seg.

Frispark til VIF midt inne på PAOK sin halvdel. Den skal svingast inn.

VIF-spelarane feirar med å skli på magen på det våte underlaget. Herleg stemning!

Stefanovic er høgt oppe i bana og testar skuddfoten. Det er ikkje eit ille forsøk og Butterfield må vippe skotet over mål med handa.

Då er det over. Vålerenga er kun ein dobbelkamp unna Champions League! Årets våtaste kamp er over og det var VIF som trakk det lengste strået i Hellas. Etter at ein monsun besøkte Thessaloníki, fekk vi ei lang pause midt inne i 1. omgang. Det var heilt umogleg å få til noko spel, det resulterte også i at ein ikkje hadde ei einaste avslutning i den perioden. Etter at det verste regnet ga seg, fekk VIF fart på ballen. Likevel var det ikkje før etter pause at Oslo-laget fekk hål på byllen. Lite visste Stine Ballisager at ho hadde slått ei målgivande pasning då ho trilla ballen til Janni Thomsen på midtbanestreken. Backen vandra rimeleg uforstyrra opp til 16-meteren og sendte avgårde eit skudd som skifta retning foran ein utspelt keeper hjå PAOK. I det 88. minutt pekte dommaren på straffemerket då Katie Stengel snubla i ein forsvarar som allereie hadde skapt trøbbel for seg sjølv med eit dårleg tilbakespel. Elise Thorsnes skulle til pers. 33-åringen gjorde ingen feil og sendte keeper feil vei. No gjenstår kun ein dobbeltkamp for å ta seg vidare til gruppespelet i Champions League. Trekninga er i morgon. Mitt namn er Arne Inge Solgard, og eg ønskjer dykk ein fortsatt fin laurdag!