Hei og velkommen til dekningen av Champions League-oppgjøret mellom Sørloths Atletico Madrid og Antonio Nusas RB Leipzig.

Antonio Nusa får tillit frå start for Leipzig, medan Sørloth på si side sit på benken for vertane.

Akkurat korleis Atletico Madrid set opp frontrekka si er vanskeleg å seie. Ein trear bak verker ganske sikkert, og så spørs det om Griezmann får rolla som tiar bak Correa og Alvarez, eller om dei spelar med Alvarez aleine på topp. Oblak - Gimenez, Le Normand, Reinildo - Llorente, Koke, De Paul, Riquelme - Correa, Alvarez, Griezmann.

Utgangsposisjonen til RB Leipzig pleier å vere 4-2-2-2, men der Nusa og Xavi Simmons får frihet. Gulacsi - Henrichs, Orban, Lukeba, Raum - Haidara, Vermeeren - Nusa, Xavi - Sesko.

Kveldens storkamp er Antonio Nusas første kamp frå start for klubben. 19-åringen har fått fire kampar etter overgangen frå belgisk fotball. Det har resultert i to scoringar og ein målgivande.

RB Leipzig har fått ein god start på årets sesong i Bundesliga. Marco Rose sitt mannskap står med sju poeng etter tre kampar og ligg på tredjeplass to poeng Bayern München på topp.

Atletico Madrid er også godt i gang med sin sesong. Det er berre ubeseira Barcelona som ligg føre hovudstadslaget som har tre sigra og to uavgjort på dei fyrste fem. Sørloth har teikna seg for ei scoring og ein målgivande så langt i sesongen.

Hymnen runger over Estadio Metropolitano i Madrid, medan laga gjere seg klare for avspark.

Nusa ligg ute til høgre i opninga. Legg seg inn sentralt når Atletico har ball.

Sesko er ein handfull for vertane sitt forsvar i opninga.

I all verden! Leipzig rotar vekk ballen i eige forsvar. De Paul spela Riquelme gjennom, han legg på tvers til Correa som ikkje får avslutta. Ballen endte hos Griezmann, men ei heller han klarer å få nettsus frå 5 meter.

Marco Rose er veldig engasjert på sidelinja for gjestane. Kan han overgå Simeone i engasjement i kveld?

No er det mykje rart frå Leipzig i eigne rekker. Vermeeren (uteleigd frå Atletico) med ein stygg miss 25 meter frå eige mål, men Atletico Madrid klarer ikkje å utnytte det.

Det kokar hjå heimesupportarane på Metropolitano. Herlege bileter med hoppande fans på kortsida.

Vertane dominera fullstendig no. RB Leipzig med elleve mann godt inne på eigen halvdel.

Llorente er for ivrig i ryggen til Xavi Simmons og lagar frispark. Eit lite pusterom for gjestane.

For ein som er over snittet interessert i hjørnespark så er det interessant å sjå vertane. Mykje folk på fyrste stolpe - medan dei største spelarane går på bakre. Correa og Alvarez har begge vore nære scoring frå første stolpe.

Nære igjen å få til noko Atleti. Alvarez tar mot eit innlegg - men headinga går rett i bakken.

Leipzig misser stadig på veg framover. Veldig ambisiøs frispeling på eitt og to touch - utan at det fungerer særleg godt.

Då er det pause. RB Leipzig med ein draumestart i Madrid, men etter scoringa til Sesko har det vore einvegskøyring frå vertane. At dei berre har scora eitt mål er eit under. Antonio Nusa har diverre vore usynleg, mykje på grunn av at Leipzig har slitt med å halde på ballen.

Atletico er på plass på bana - og vi nærmar oss andre omgang.

Så er det porblem med kommunikasjonsverktøyet til dommarkvartetten.

Vi er i gang igjen! Forhåpentlegvis er det tekniske oppe og nikka igjen.

Igjen er Llorente gjennom på høgresida - men innlegget blir blokkert. Vingbacken har vore banens klart beste så langt, etter mi meining.

Trenden frå siste del av første omgang er gjeldane også no. Atletico Madrid presser, utan at dei klarer å skape det heilt store.

Ser ut som Atletico no har endra til 3-5-2 med ein framskutt midtbanespelar. Sørloth, Griezmann og Correa i dei tre fremste posisjonane.

Reint spissbytte og reint backbytte for Rose. Poulsen scora eit fantastisk mål for Danmark i landslagspausen. Kan han gjere det i kveld også?

Leipzig er meir med no. Klarer å halde i ball - og har luka vekk dei verste balltapa på eigen halvdel.

Simmons danser seg forbi tre oppassarar, men finn aldri nokon å spele til. Mister til slutt ballen.

Uff då, Sørloth. Griezmann invitera til vegg, men Sørloths pasning frå midt foran 16-meteren går ut til kast. Den trur eg han skal legge bak seg, omgåande.

Atletico har initativet igjen no. Jager vinnarmålet.

Sørloth har vore positiv etter innhoppet. Vinn duellane i oppspelsfasen, utan at han har hatt mykje å jobbe med foran mål.

No er det mykje stopp i spelet her. Gimenez ligg nede med krampe.

Det her kan vertane. Bruker tid kvar gang dei har moglegheiten.

Dei jaga lenge - og det såg ut som at det skulle bli eit poeng til kvar. Men Gimenez si vakre heading skilja laga. Antonio Nusa var anonym i sin debut frå start og vart huka av til pause. Alexander Sørloth var eit uromoment på topp etter at han kom inn.