Hei og velkomen til livedekning av 2. runde av Noregsmeisterskapet og sunnmørsoppgjeret mellom Brattvåg og Hødd!

Desse to laga møttest også i 2013, då i 1. runde av NM. Trass i ein klar 4-1-siger til Hødd, var det ei stund tvil om laget fekk avansere vidare til neste runde. Etter kampslutt blei det nemleg spekulert i at Brattvåg ville klage inn Hødd til NFF for feil i domarkorta, men etter eit lite oppklaringsmøte blei det bestemt at saken skulle leggjast daud. Noko som var heilt korrekt ettersom det berre var snakk om ein feil på eit draktnummer på eit av domarkorta. Måla i den kampen blei for øvrig scora av Vegard Heltne, Pål Andre Helland, Ruben Kenneth Brandal og Erik Sandal. Berre ein av desse, Heltne, er framleis i klubben. Carl Björk scora for Brattvåg.

I den 1. runda av NM for to veker sidan slo Brattvåg frå Haram kommune ut Florø etter ekstraomgangar. Aarsund og Nekrouf scora måla i 2-1-sigeren. Til vanleg speler Brattvåg i PostNord-ligaen avdeling 2. Her ligg dei på 2. plass etter sju poeng på dei tre første kampane.

Cupvinnarane frå 2012, Hødd, slo på si side Godøy 6-1 i den første runda. Joachim Magnussen (3), Michael Karlsen (2) og Magnus Myklebust ordna måla for blåtrøyene. I 1. divisjon har det derimot gått langt dårlegare for ulsteinvikarane, og etter dei fire første kampane ligg dei på 14. plass med berre to poeng så langt. Ein opptur her i cupen er dermed av stor betydning.

Begge laga er no klare på kunstgrasbana, og vi er få straksar unna avspark.

Hødd stiller for øvrig med eit sterkt mannskap frå start av i dag, og det er først og fremst i det bakerste leddet at dei har sleppt til andre spelarar enn dei som har vore mest involvert i byrjinga av sesongen. Moltu og Törnqvist spelte fast i midtforsvaret i fjor, men begge har vore henviste til innbytarbenken i ligaen så langt. I tillegg får unge Martin Breivik prøve seg på høgrebacken.

Roleg opning på oppgjeret.

Det bør vel leggjast til at Brattvåg og Hødd møttest til treningskamp i midten av februar, og det oppgjeret vann blåtrøyene heile 8-0. Både Magnussen og Shroot, som spelar i angrepet til Hødd i dag, scora to kvar den gongen.

Frispark til heimelaget.

Hildestrand tek dødballen, men sender den svakt bak mål.

Svenske Robin Palacios prøvar å tråkle seg gjennom Hødd-forsvaret, men blir enkelt stoppa.

Mange balltap frå begge lag no.

Nesten for Hødd! Shroot kjem til heading, men keeper får redda til corner.

Det er altså på Amfi Moa stadion ting skjer her i fylket. Herd leiar 2-0 over AaFK etter 12 minutts spel!

Nekrouf får lagt inn frå høgre, men bortelaget får klarert.

Hødd-supportarane Blåsarane gjer som vanleg sitt for å lage god stemning på tribunene.

Lamine Nekrouf får avslutta innanfor Hødd si boks, men er i ubalanse og sender forsøket ufarleg utanfor.

Dagens domar er forresten Marius Hansen Grøtta frå Malmefjorden IL.

Nære på for Brattvåg! Ein spelar kjem seg rundt på venstresida og får lagt lavt inn i boksa. Der kjem heimelaget til avslutning frå kort hald, men keeper Alme er raskt ute og blokkerer forsøket.

Magnussen prøvar å tre igjennom til Myklebust, men ballen når aldri fram. 1. divisjonslaget har vore svært tame den første halvtimen i Brattvåg.

Høddarane har vore svært svake hittil i denne 2. runde-kampen. Dei har skapt svært lite offensivt, og i tillegg har ein grov forsvarsfeil ført til at Brattvåg har teke leiinga. Hovudtrenar Hans Erik Eriksen kan umogleg vere fornøgd med det laget hans har prestert så langt.

Aasbak skjer innover i bana og slepp kula til Myklebust. Gurskingen prøvar eit skot, men forsøket blir blokkert. Corner.

Heimelaget med innlegg inn i Hødd si boks. Aasbak stangar unna.

Myklebust dreg seg innover i bana og finn Vestvatn. Han prøvar eit skot, men det går ufarleg rett på keeper Hansen.

Brattvåg forsøker ei kontring, men utan at det endar med ein sjanse.

Heimelaget får dødball. Kristoffer Hildestrand står klar.

Svakt slått. Blir enkelt klarert.

Hødd med frispark. Rett på keeper Hansen.

Det blir lagt til minimum eitt minutt denne omgangen.

Sereba med eit forsøk. Keeper Hansen er på pletten igjen.

Brattvåg leiar fortent 1-0 over Hødd etter dei første 45 minutta av denne 2. rundekampen i Noregsmeisterskapet. Favorittane frå 1. divisjon har vore svært svake så langt, og knapt skapt offensivt trøbbel for heimelaget. I tillegg har dei rota det til defensivt, noko som resulterte i scoringa til Jan Philip Berglund, kampens einaste hitil. Vi håpar den siste halvdelen byr på endå meir spaning og scoringar!

Heimelaget sparkar i gong den andre halvdelen.

Aasbak med innkast. Ballen blir etter kvart lempa inn i boksa, men Brattvåg får rydda opp.

Shroot får avslutta etter forarbeid av Breivik. Engelskmannen avsluttar utanfor.

Nesten for Hødd! Shroot avsluttar frå utanfor boksa, og Hansen ser ut til å ha kontroll. Keeperen glepp derimot ballen og er nære ved å miste den til Myklebust. Heldigvis for sin eigen del rekk han å fange den igjen.

Sereba vinn eit hjørnespark for Hødd.

Sjølstad kjem i fint driv med ballen, men den avgjerande pasninga til Sereba er altfor svak og Brattvåg kan overta.

Törnqvist lagar frispark i farleg posisjon.

Nesten for Brattvåg! Palacios sender frisparket like utanfor.

Shroot finn Sereba på høgresida, men det påfølgjande innlegget frå Hødd sin nummer 7 når aldri fram.

Meir Hødd no.

Brattvåg kan kontre, men vel å roe det ned.

Farleg innlegg inn i Brattvåg si boks. Ingen av Hødd-spelarane var våkne nok der.

Stor sjanse for Hødd! Magnussen blir spelt fri i bakrom, vender bort næraste Brattvåg-spelar og avsluttar - over mål. Hødd sin beste sjanse i kampen, det!

Bortelaget har eit langt betre grep om oppgjeret no.

Shroot i fullt firsprang framover. Blir kynisk felt.

Frispark til Hødd i finfin posisjon. Her må det kome eit skot.

Shroot avsluttar sjølv. To gongar rett i muren. Svakt av briten.

Ein Brattvåg-spelar sit nede med krampe.

Omlag 15 minutt att å spele i Brattvåg. Skal vi få ei overrasking her, eller skal NM-vinnarane frå 2012 klare å slå tilbake?

Breivik blir felt av Høivik. Frispark til bortelaget.

Aasbak slår inn. Dei gulekledde får klarert.

Hødd dominerer banespelet, men det er nokså lenge mellom målsjansane.

Nok ein kjempesjanse for Hødd! Sereba slår presist inn, men frå fem meters hald klarer ikkje Karlsen å avslutte på mål.

Hødd smadra altså Brattvåg 8-0 i ein treningskamp i februar. Ikkje lett å forstå det, når ein ser dei to laga no.

Stor strekk i heimelaget. Hødd strevar likevel med å finne opningane.

Veldig nære utlikning! Breivik slår presist inn frå høgre, og det er berre ei kjemperedning frå keeper Hansen som hindrar bortelaget i å score. Myklebust var det vel som fekk avslutta der.

Brattvåg med innkast på eigen halvdel. Gultrøyene brukar sjølvsagt bra med tid.

Kjempesjanse for Brattvåg! Nekrouf kjem seg heilt inn på femmeteren til Hødd og får avslutta, men skotet går på feil side av stolpen.

Hødd med kula. Rekk dei å utlikne før domaren bles av kampen?

Dødball for Brattvåg på eigen halvdel.

Hødd slit med å etablere eit trykk her no. Vi er straks på overtid.

Minimum tre minutts tilleggstid her.

Innkast for Hødd.

Sereba med ein stor sjanse. Høgt over mål!

Vi er på overtid av overtida no.

2. divisjonslaget Brattvåg har slått ut Hødd, NM-vinnarane frå 2012!

Heimelaget scora kampens einaste mål ved Berglund etter rot i Hødd-forsvaret i 1. omgang. Favorittane frå Ulsteinvik vakna til liv eit stykke ut i 2. omgang, men til trass for fleire feite sjansar klarde dei ikkje å overliste ein meget god Henrik Reite Hansen i Brattvåg-buret. Dei gulkledde er dermed klare for 3. runde, medan Hødd si dårlege form under nyetrenar Hans Erik Eriksen held fram.

Avslutningar: 5-15. På mål: 2-9.

Sebastian Eide takkar dermed for fylgjet. Ha ein fin kveld vidare!