579
888
Hei og velkomen til livedekning av oppgjeret mellom Eide og Omegn og Molde. Det er duka for 1. runde av Noregsmeisterskapet på Eide stadion!
Vesle Eide og omegn får storfint besøk av regjerande NM-meistrar Molde i kveld. Eide kunstgress i Hustadvika er klart for fotballfest, sjølv om vêret set ein liten dempar på det. I skrivande stund er det meldt frisk bris og vindkast på 19 meter i sekundet, i følgje yr.no.
Desse to laga møttest i 1. runde også i 2019, og den gongen måtte Eide og omegn gje tapt med 0-5. Framføre 1010 tilskodarar fekk heimepublikummet sjå Leke James og Eirik Ulland Andersen score henhaldsvis to og tre mål kvar.
Ole Martin Halås starta kampen i 2019 på midtbana for Eide og omegn, slik han gjer også i dag. Eide sin nummer 8 er nok som ei ekte klubblegende å rekne, og han er no inne i sin 11. sesong på rad for klubben. Han har faktisk vore innom Molde også, der han enda opp med kampar for Molde 2 og Molde U-19.
Namnet til Eide og omegn sin hovudtrenar ringer nok også mange bjøller for dei med Molde-hjarte. Ole Bjørn Sundgot var ein av dei tre S-ane som herja på 90-talet, i lag med Solskjær og Stavrum. I 1994 vart han også noregsmeister med klubben.
4. divisjon har ikkje starta opp for Eide og omegn endå, men i kvalifiseringa til NM har dei i alle fall fått vinnarkjensle og putta bra med mål. Åndalsnes blei først slått 6-4, før Dahle blei slått 3-2.
Molde ligg på si side øvst på Eliteserie-tabellen, etter 4-0 mot Strømsgodset i 1. runde og 1-0 borte mot HamKam i helga.
Kampen har startet
1'
Heimelaget legg seg djupt og let Molde trille ball. Eit ungt og nykomponert Molde-lag i dag, men innbytarbenken luktar det svidd av.
3'
Innlegg frå høgre blir blokkert. Corner.
3'
Molde får tildelt et hjørnespark
Vertane får klarert.
3'
Stenevik trillar ball inn frå høgre, men målvakt Gujord plukkar lett.
5'
Småskummelt innlegg i Eide og omegn si boks. Raudtrøyene får blokkert, men Molde held fram med å presse.
6'
Heimelaget ligg med alle mann på 19-20 meter og inn.
7'
Så prøvar vertane å kontre, men Sæther blir stoppa raskt.
7'
Øyvann chippar inn i boksa, men avslutninga frå bortelaget går over mål. Kampens første forsøk, det.
9'
Så kjem det eit innlegg frå Molde si venstreside. Langt utanfor farleg område.
10'
Raudtrøyene er oppe og yppar seg litt, men dei regjerande meistrane ryddar opp utan altfor mykje stress.
11'
Ny chip i bakrom frå bortelaget. Gujord kjem raskt ut og plukkar ballen.
14'
Molde ropar på straffe etter at målvakt Gujord kjem ut og taklar både ball og mann. Domar Mathias Kringstad let uansett spelet gå.
16'
Molde får tildelt et hjørnespark
Endar nok ein gong utan ufarlegheiter.
16'
Bra sjanse for bortelaget! Granaas prøvar seg frå utanfor boksa, men forsøket snik seg over mål.
17'
Molde rullar bra opp og slår inn frå høgre. Heimelaget gir til corner.
18'
Molde får tildelt et hjørnespark
Blir teke kort, før heimelaget får klarert.
18'
Bra powerplay frå Eliteserie-laget, men samtidig brukar Molde-spelarane mange berøringar og tempoet er ikkje altfor høgt.
20'
Haugan prøvar seg med eit skot. Blir blokkert til corner.
23'
Molde får tildelt et hjørnespark
Blir klarert til ny corner.
23'
Molde får tildelt et hjørnespark
Ballen dett ned rett framføre mål, men heimelaget får rydda unna. Dei prøvar å flytte etter for å kontre, men Molde vinn enkelt ballen tilbake.
23'
Ny hard takling på ein Molde-spelar, og like utanfor boksa. Domar Kringstad nøyar seg med å gje corner i staden. Har lagt lista høgt.
24'
Molde får tildelt et hjørnespark
24'
Roaldsøy skjer innover og avsluttar, men forsøket går rett på målvakt Gujord.
25'
Stor sjanse for Molde! Bakke blir spelt fri bak Eide og omegn si forsvarslinje, men avslutninga går rett på Gujord.
27'
Plutseleg skjer det litt i Molde si boks i det heimelaget kjem på ein sjeldan visitt. Ein sleivete klarering går i brysthøgde til keeper Posiadala, og den polske debutanten bommar skikkeleg på klareringa. Dessverre for Eide og omegn får Molde rydda opp.
29'
Ny bra sjanse for bortelaget! Nyheim får eit bra innlegg i boksa, men klarer ikkje å sette headinga forbi heimelaget sin keeper.
29'
Bakke med innlegg frå høgre, men vinden tek tak i kula og sender den i nevane til Gujord. Har fått mykje ballkontakt hittil, vertane sin keeper.
30'
Molde får tildelt et hjørnespark
31'
Molde får frispark like utanfor heimelaget si boks.
33'
Rett på Gujord! Samuel skyt frisparket knallhardt rett fram, men Eide og omegn si målvakt står rett plassert og får kula i fanget.
33'
Molde får tildelt et hjørnespark
Sondre GranaasBlir teke kort før Granaas får den tilbake og slår inn. Utanfor.
35'
Her er det lurt å halde ballen mest mogleg på bakken. Ved fleire tilfelle har vi sett at vindkasta har ført ballen langt av garde.
37'
Botten kjem til heimelaget si første avslutning. Posiadala ligg nede og reddar greitt.
37'
Granaas prøvar å spele igjennom Stenevik, men heimelaget sitt forsvar er påskrudde og får rydda opp i situasjonen.
39'
Stenevik bankar hardt inn frå høgre, men innlegget fyk forbi alle.
40'
Ein Molde-spelar taklar eit slags skot som dalar ned i klypene til Gujord.
41'
Vi nærmar oss pause her på Eide stadion. I oppgjeret i 2019 leia moldensarane 3-0 etter dei første 45 minutta.
42'
Heimelaget prøvar å presse høgt, men Roaldsøy beheld roa, før han blir takla bakfrå og får frispark.
43'
Granaas blir felt utanfor boksa. Frispark i god posisjon.
43'
Bakke skyt eit godt stykke utanfor.
45'
Pause
45'+1
Det står 0-0 til pause etter første omgang på Eide stadion. Molde har hatt ballen det meste av tida, og heimelaget har så vidt vore over midten. Erling Moe sitt lag har skapt tre gode sjansar, men ein må likevel kunne slå fast at det har vore skuffande det Eliteserielaget har vist så langt. 4. divisjonslaget Eide og omegn har forsvart seg godt, og sisteskanse Joakim Gujord har vore plettfri. Molde har derimot mange sterke namn på innbytarbenken, så om dette held fram varer det nok ikkje lenge før vi får sjå nokre endringar. Vi gler oss til 2. omgang!
No står begge laga klare her. Molde skal gjere ei endring.
2. omgang
45'+1
Spillerbytte - Molde
Inn: Isak Helstad Amundsen
Ut: Casper Øyvann
45'+1
Molde held fram med å trille ball.
47'
Heimelaget torer å presse litt høgt, og blir belønna med frispark i god innleggsposisjon.
49'
Frisparket blir slått inn i feltet, men avslutninga går berre rett på Posiadala.
50'
Molde får tildelt et hjørnespark
Går forbi alle i feltet, men Molde beheld ballen.
50'
Gujord kjem ut og plukkar eit innlegg.
51'
Innlegg frå Løvik frå venstre, men nok ein gong er Gujord ute og fangar ballen. Ein prikkfri kamp hittil frå målvakta. Utruleg at han berre er 18 år.
53'
Heimelaget vinn ballen høgt i bana, men får frispark imot. Kunne ha blitt farleg, det.
55'
Eirik Haugan bankar til frå distanse. Høgt, høgt over mål.
58'
Veteran Halås prøvar å slå i bakrom, men ingen i raudt luktar den.
59'
Bra Molde-sjanse. Avslutning frå kort hald, men Gujord er på plass.
60'
Mål for Molde!
Eide og Omegn FK 0 - 1 Molde
Mål: Aaron Samuel
Der sit den til slutt for Molde! Ei heading blir sett i tverrleggaren etter eit bra innlegg, og returen hamnar hos Samuel som pirkar ballen i mål frå kort hald. Nigerianaren sitt første mål for Molde etter overgangen frå Aserbajdsjan.
61'
Mål for Molde!
Eide og Omegn FK 0 - 2 Molde
Mål: Gustav Nyheim
Målgivende: Mathias Fjørtoft Løvik
Bortelaget sender eit fantastisk innlegg i boksa, og frå 3-4 meters hald har Nyheim ein enkel jobb med å stange kula i nettet. 0-2!
65'
Bra sjanse igjen! Stenevik dreg seg innover og får veldig god tid til å sikte. Dessverre går han berre for kraft og sender ballen over mål.
68'
Nyheim får avslutta på mål, men Gujord stoppar forsøket.
69'
Nytt innlegg frå Molde si høgreside. Går forbi alle i feltet og til utspel.
69'
Heimelaget prøvar å drage i gong ei kontring, men Lund ordnar opp med ei solid takling.
72'
Spillerbytte - Eide og Omegn FK
Inn: Torjus Houck Egseth
Ut: Ole Martin Halås
73'
Mål for Molde!
Eide og Omegn FK 0 - 3 Molde
Mål: Sondre Granaas
Målgivende: Gustav Nyheim
Nyheim avanserer innover mot feltet med ballen og slepp til Granaas som prikkar den nede i langhjørnet frå 17 meters hald. Flott scoring og 0-3!
75'
Spillerbytte - Molde
Inn: Leon Hovland
Ut: Aaron Samuel
76'
Molde held fram med å presse her, slik dei har gjort i samtlege 75 minutt.
77'
Spillerbytte - Molde
Inn: Emil Breivik
Ut: Johan Bakke
78'
Innkast høgt i bana for heimelaget.
79'
Blir stussa bakover, men Molde beinar ballen unna.
80'
Posiadala kjem ut og fangar ballen. Er definitivt den med færrast ballberøringar i dag, polakken.
81'
Heimelaget får ha pittelitt meir ball no. Jobben er uansett gjort av Molde.
83'
Skot frå distanse frå gjestane. Gujord reddar unna.
83'
Så prøvar Granaas seg frå utanfor boksa. Heimelaget si målvakt er nok ein gong på plass og reddar.
84'
Nyheim prøvar å plassere ballen frå utanfor boksa, men forsøket går godt til side for mål.
85'
Spillerbytte - Eide og Omegn FK
Inn: Lukas Svenøy Storvik
Ut: Sigurd Krakeli Moen
85'
Spillerbytte - Eide og Omegn FK
Inn: Jakob Martinus Solli Vassgård
Ut: Preben Råheim Grønseth
86'
Jensen prøvar seg. Via eit Eide-bein og til corner.
87'
Molde får tildelt et hjørnespark
Blir teke kort før ballen blir slått inn foran mål. Heimelaget får rydda vekk.
87'
Mål for Molde!
Eide og Omegn FK 0 - 4 Molde
Mål: Leon Hovland
Målgivende: Emil Breivik
Innbytar Juberg-Hovland ordnar 0-4! Breivik med ein nydeleg stikkar til Molde sin nummer 30. Han plasserer ballen mellom beina på keeper Gujord.
88'
Eide og Omegn FK får tildelt et hjørnespark
Blir slått inn i feltet. Bortelaget klarer å skape litt trøkk, men maktar ikkje å kome til ei skikkeleg avslutning. Molde overtek.
90'
Moldensarane kjem på nok ei opprulling, men blir avvinka for offside.
90'+1
Eide og omegn med innlegg frå høgre. Trillar inn til bakerste mann hjå dei regjerande noregsmeistrane.
90'+2
Mål for Molde!
Eide og Omegn FK 0 - 5 Molde
Mål: Emil Breivik
Målgivende: Valdemar Lund Jensen
Breivik får god tid utanfor boksa og prikkar ballen lågt nede i høgre hjørne. Gujord rekk ikkje hindre den. 0-5.
90'+2
Kampen er slutt
90'+3
Molde tek seg fortent vidare til 2. runde av NM etter at det til slutt enda 5-0 mot Eide og omegn. Heimelaget gjorde ein formidabel jobb defensivt, og klarde å parkere bussen utan å sleppe inn mål i ein times spel. Men etter at dei regjerande NM-meistrane først fekk hol på byllen ved Samuel, så kom det raskt fleire scoringar også. Resultatet blei til slutt det same som førre gong dei to laga møttest i 2019. No blir det spanande å sjå kven Erling Moe og co møter i neste runde. Sebastian Eide takkar med dette for følgjet. Ha ein fin kveld vidare!