Hei og velkomen til livedekning av det meget spanande oppgjeret mellom Hødd og Kristiansund, direkte frå Høddvoll. Det er klart for 3. runde av Noregsmeisterskapet!
Laget som er på heimebane i Ulsteinvik speler til dagleg i 2. divisjon etter nedrykk etter 2016-sesongen. Hødd ynskjer sjølvsagt å returnere til nivå 2 i Noreg, men dei klarde det ikkje på første forsøk i fjor då dei kom på ein skuffande 6. plass, heile 14 poeng bak avdelingsvinnar Nest-Sotra. Sindre Eid sitt mannskap har rota litt i starten av 2018 også, men ligg likevel på ein brukbar 3. plass med sju poeng på dei fire første kampane.
Heller ikkje Kristiansund har imponert så veldig i Eliteserien, men Christian Michelsen sitt lag er i det minste vanskelege å slå. Det har berre blitt to sigrar på dei åtte første kampane, men samtidig har dei spelt uavgjort fire gongar. Sist blei det tre poeng heime mot Stabæk.
I dei to første rundene av årets NM har Hødd slått ut henhaldsvis Volda (1-0) og Florø (2-1 e.e.o.). Oppgjeret mot 1. divisjonslaget frå Sogn og Fjordane blei ein skikkeleg thriller, og avgjersla kom først i det siste minuttet av den andre ekstraomgangen, då Bendik Rise til slutt fekk plassert ballen i mål.
KBK har på si side hatt det langt enklare i runde 1 og 2. Først blei Sunndal slått 4-0, før Bergsøy, som sendte ut AaFK i 1. runde, blei smadra 6-0 i Herøy. Blant anna scora Benjamin Stokke tre mål i det oppgjeret.
Dei to laga er ferdige med oppvarminga og har gått i garderobene for ein siste peptalk.
Gjestane frå Nordmøre stiller med ein bra delegasjon av supporterar. Det skaper ei endå betre ramme kring kampen!
Sidan 2007 har desse to laga møttest 15 gongar. Hødd har vore best totalt sett, med åtte sigrar mot KBK sine fem. Her på Høddvoll har det blitt 4-1-2 i favør ulsteinvikarane.
Det siste oppgjeret mellom laga enda med siger 1-0 til Hødd. Det skjedde i 2016, sesongen ulsteinvikarane altså rykka ned. Før det hadde KBK vunne tre strake. I NM-samanheng møttest dei sist i 2011. Michael Karlsen og Adama Diomande sørgja for 2-0-siger til sunnmørslaget.
Der kjem endeleg dei to laga ut på kunstgrasmatta på Høddvoll, anført av hovuddomar Tommy Skjerven.
Det er for øvrig allereie klart kven vinnarlaget av kveldens kamp skal møte i 4. runde. Det blir Bodø/Glimt.
Kampen har startet
0'
Gjestane frå Kristiansund sparkar i gong oppgjeret.
1'
Sørli set fart med kula, men blir stoppa av heimelaget sin høgreback Daniel Eid. Han er forresten son til Hødd-trenar Sindre Eid.
1'
Hødd får tildelt et hjørnespark
Robin Hjelmeseth
Osvold skaffar Hødd den første corneren i kampen. Hjelmeseth slår ballen så vidt over alle i feltet.
3'
Så skal Daniel Eid kaste langt.
4'
Ballen dett etter kvart ned i beina på Moltu som får avslutta, men skotforsøket blir blokkert.
4'
Så avsluttar Benjamin Stokke i motsett ende av bana. Ufarleg.
5'
Hjelmeseth avsluttar i mål, men blir avvinka for offside allereie før han fekk sendt av garde skotet. Det såg ut som ei korrekt avgjersle.
6'
Nytt langt innkast frå Eid. Viktig offensivt våpen for Hødd, det.
7'
Endar med ingenting av farlegheiter.
8'
Opningsminutta på Høddvolla har vore intense, men så langt har ikkje nokon av laga skapt sjansar.
10'
Heimelaget med fleire innleggsforsøk, men KBK er flinke til å blokkere.
16'
Eid med nytt kast.
17'
Dett etter kvart ned i beina på Hødd-spelar Hagen, men han rekk ikkje å få avslutte. I staden lagar han frispark imot.
17'
Så får plutseleg KBK kampens første sjanse etter rot i Hødd-forsvaret. Bye klarer ikkje å overliste Alme som er på halvdistanse.
18'
Kristiansund prøver å kombinere på si høgreside, men ballen går berre utover sidelinja.
19'
Treff i metallet for Hødd! Heimelaget kontrar og Eid får tak i eit innlegg. Backen hamrar til, men skotet går i tverrleggaren og ut.
20'
KBK kjem plutseleg i overtal, men dei utnyttar situasjonen dårleg og til slutt endar det berre med ei pasning utover sidelinja.
22'
Hødd får tildelt et hjørnespark
Robin Hjelmeseth
23'
Mål for Hødd!
Hødd 1 - 0 Kristiansund
Mål: Steffen Moltu
Målgivende: Robin Hjelmeseth
Hødd går i føringa på Høddvoll! Corneren frå Hjelmeseth er presis og Moltu stangar inn målet frå kort hald.
24'
No må KBK satse meir offensivt enn dei har gjort hittil i kampen. Hødd, som har slite med å vere effektive så langt i sesongen scorar altså på deira første avslutning på mål i kampen.
26'
Heimelaget står høgt og stressar Kristiansund når dei skal spele seg ut.
27'
Brukbart spel av bortelaget. Eit innlegg blir slått presist inn frå høgre, og ein Hødd-spelar brystar ballen inn til eigen keeper. Iskaldt gjort.
28'
Hjelmeseth med eit ufarleg skot frå distanse. Over mål.
29'
Eid med innlegg frå høgre. Rett i fanget til Sean McDermott.
30'
Den første halvtimen er unnagjort på Høddvoll, og det er faktisk fullt fortent at det er heimelaget Hødd som er i føringa. KBK har vore tannlause offensivt.
31'
Stor, stor sjanse for KBK! Lepistu speler fri Bye som skyt utanfor åleine med Alme. Den bør han utnytte betre!
32'
Eid med endå eit kast. Bortelaget klarerer enkelt ved fremste stolpe.
33'
Eliteserielaget har definitivt teke meir tak i kampen no!
34'
Sætre med innlegg i bortelaget si boks, men det går for lavt og KBK får klarert.
36'
Osvold set fart framover med ballen og ser at McDermot står langt ute. Spissen prøvar ei frekk avslutning, men treff heller dårleg og ballen går utover sidelinja.
36'
Andreas Breimyr med ein lobb inn i KBK si boks. Er nære ved å nå Osvold, men ein spelar i kvitt kjem i vegen.
37'
Det som verka som ei oppgiring av bortelaget har no roa seg. Heilt jamt i banespelet.
40'
KBK-fansen er misfornøgde med det meste av domaravgjerslene som går imot laget deira. Kraftig buing og roping til tider.
42'
Mål for Hødd!
Hødd 2 - 0 Kristiansund
Mål: Joachim Osvold
Målgivende: Robin Hjelmeseth
Hødd har dobla leiinga, og det på vakkert vis! Hjelmeseth vinn ballen høgt i bana og set fart framover. Han finn så Osvold med ei presis pasning inne i boksa, og spissmakkeren plasserer ballen forbi McDermot og i mål. 2-0 til 2. divisjonslaget!
43'
Robin Hjelmeseth med dagens andre målgjevande pasning.
45'
Det blir lagt til minimum to minutt her. Skal KBK få ei viktig redusering heilt på tampen?
45'+1
Pause
45'+3
Hødd leiar fortent 2-0 over Kristiansund etter dei første 45 minutta på Høddvoll! 2. divisjonslaget har kjempa godt og for ein gongs skuld vore effektive framføre motstandaren sitt mål. KBK har ikkje fått til all verda, men dei burde definitivt hatt ei scoring då Bye kom åleine med keeper på stillinga 1-0. Dessverre for nordmøringane sendte han avslutninga utanfor mål. Det er duka for ein skikkeleg spanande 2. omgang. Heng med!
No er begge laga klare på bana igjen.
2. omgang
45'
Hødd med avsparket. Osvold med eit høgt spark på Pål Erik Ulvestad. KBK-spelaren går i bakken.
46'
Ingen endringar på nokon av laga, men fleire mann er i oppvarming.
47'
Hødd står høgt og tvingar KBK til å slå langt.
48'
Ein KBK-spelar går i bakken inne i Hødd si boks, og bortefansen ropar på straffe. Verken domar Skjerven eller spelaren det gjaldt ser ut til å meine at det er noko å blåse for.
52'
Sondre Sørli med eit svakt innlegg. Bak Hødd-målet.
52'
Hjelmeseth blir forsøkt spelt fri i bakrom, men keeper McDermott kjem raskt ut og plukkar ballen. Våkent keeperspel.
53'
Definitivt meir innsats blant Kristiansund-spelarane no.
54'
Blåsarane gjer sitt for å støtte heimelaget her. Syng og støttar laget like bra som vanleg!
55'
Nære på for Hødd! Eid slår eit lavt innlegg frå høgre, og ballen trillar forbi målet utan at nokon kjem på den. Der var McDermott utspelt!
56'
Diop med eit vanvittig svakt innleggsforsøk frå høgrekanten. Langt bak mål.
57'
Spillerbytte - Kristiansund
Inn: Daouda Bamba
Ut: Dan Peter Ulvestad
Kaptein Ulvestad går ut til fordel for Bamba. Definitivt eit offensivt bytte av Michelsen!
58'
Eirik Haugan sit nede etter ein duell og vi får ein stopp i spelet.
59'
Det hissar KBK-benken seg opp over, og domar Skjerven må bort og gje tilsnakk.
60'
Hjelmeseth gjer ein god jobb og vinn eit innkast høgt i bana for Hødd.
61'
Plutseleg bryt heimefansen ut i eit rungande 'Heia Hødd!' på stadion. I tillegg held pensjonistane bak pressetribuna på å knuse pleksiglaset med krykkene sine i det dei bankar takta.
62'
Under halvtimen att å spele her. Meir enn nok tid for Kristiansund å kome tilbake på, men i augneblinken strevar dei stort med å skape ting offensivt.
63'
Andreas Breimyr med ei håplaus tversoverpasning som bortelaget snappar. Heldigvis for blåtrøyene klarer dei ikkje å få ein sjanse ut av det.
64'
Kristiansund får tildelt et hjørnespark
Sondre SørliForbi alle i feltet. Innkast til Hødd.
64'
Spillerbytte - Kristiansund
Inn: Torgil Gjertsen
Ut: Erlend Sivertsen
65'
Spillerbytte - Kristiansund
Inn: Stian Aasmundsen
Ut: Brent Lepistu
65'
Dermed har KBK brukt opp alle sine tre innbytarar.
66'
Trøyttare bein hjå heimelaget no. Er seinare inn i duellane enn kva tilfellet var den første timen.
67'
Gult kort til Hødd
Andreas Breimyr
Breimyr drøyar tida ved eit frispark og får det gule kortet.
68'
God sjanse for bortelaget! Bye slår inn i boksa der Bamba kjem stormande, men sistnemnde sender avslutning utanfor.
69'
Osvold blir forsøkt spelt fri i bakrom, men nok ein gong er McDermott på plass og ryddar opp.
71'
Gult kort til Kristiansund
Amidou DiopFeller Hagen bakfrå og får eit fortent gult kort. Heimelaget kan då drøye tida endå meir.
71'
Spillerbytte - Hødd
Inn: Bendik Rise
Ut: Andreas Breimyr
Helten frå Florø-kampen, Bendik Rise, kjem inn for ein sliten Breimyr.
72'
For n-te gong i kampen sender ein KBK-spelar ei pasning utover sidelinja.
74'
Avslutning frå Bamba etter innlegg frå høgre. Skyt langt, langt utanfor.
75'
Gjertsen med ein stikkar inn i boksa. Endar utover kortlinja.
76'
Stor sjanse for Hødd! Osvold blir spelt åleine med McDermott, men spissen brukar for lang tid og skotet blir stoppa. Corner.
77'
Hødd får tildelt et hjørnespark
Bendik Rise
Bortelaget får blokkert.
78'
Hødd får tildelt et hjørnespark
Markus Naglestad
Bra sjanse! Corneren blir klarert, men berre til Hagen som avsluttar med høgrefoten. McDermott med ei god redning.
79'
Spillerbytte - Hødd
Inn: Markus Naglestad
Ut: Robin Hjelmeseth
79'
Det er utruleg nok Hødd som skapar dei store sjansane på slutten her. Er nærare 3-0 enn KBK er redusering. Det kan uansett snu fort. Nok av tid igjen for KBK å kome tilbake her!
81'
Nok eit bra forsøk av heimelaget! Osvold blir spelt igjennom, men er i ubalanse og klarer ikkje å overliste McDermott som reddar flott nok ein gong.
81'
Hødd får tildelt et hjørnespark
Bendik Rise
Ny enorm sjanse! Ballen dett ned hos ein umarkert spelar ved bakerste stolpe, men han brenn ballen høgt over mål.
82'
Hødd burde ha punktert denne kampen no. Det kan fort straffe seg å ikkje gjere det!
83'
Heimelaget kjem i overtal inn i KBK si boks, men ei svak pasning øydelegg.
84'
Trampeklapp på stadion no. Litt vel tidleg, det vel?
85'
Sørli med nok eit svakt innlegg. Alme plukkar lett.
85'
Bortelaget med innkast høgt i bana.
86'
Fleire skumle ballmiss av Naglestad. Så langt har det ikkje straffa seg.
87'
Gult kort til Hødd
Daniel EidFeller ein Kristiansund-spelar bakfrå og får eit fortent gult kort.
87'
Spillerbytte - Hødd
Inn: Bader Rahhaoui
Ut: Joachim Osvold
88'
Det blir lagt til minimum fire minutt her. No må KBK score umiddelbart om dei skal ha håp om å gå vidare i cupen!
90'+1
Gult kort til Hødd
Joakim Wrele
Wrele får det gule kortet.
90'+1
KBK får avslutta frå kort hald, men domar Skjerven tek ansvar og dømer offside. Den fekk ikkje assistenten hans med seg!
90'+2
Heimepublikummet røyser seg og klappar no!
90'+3
Bra forsøk for KBK! Bamba får avlslutt, men Alme reddar.
90'+4
Diop feller Rahhaoui og lagar frispark. Dette tek Hødd!
90'+5
Kampen er slutt
90'+6
2. divisjonslaget Hødd har slått ut Eliteserie-laget Kristiansund og er klare for 4. runde av NM!
Det var ikkje enkelt å sjå at det var bortelaget som var favorittane i dag. Hødd kjempa frå første spark på ballen og var det klart beste laget. KBK tok berre ansvar i korte perioder, og mot slutten av kampen var det faktisk Hødd som var nærare å auke leiinga enn kva kristiansundarane var redusering. Rett og slett ein fantastisk kamp av ulsteinvikarane.
I 4. runde ventar altså Bodø/Glimt på Aspmyra stadion. Mange i Ulsteinvik drøymer kanskje om å gjenta NM-triumfen frå 2012. Dei har i alle fall vist at dei kan overraske på heimebane. No spørs det korleis dei klarer seg på framandt kunstgras.
Avslutningar: 11-5. På mål: 6-2.
Sebastian Eide takkar med dette for fylgjet. Ha ein fin kveld vidare!