Velkommen til livedekning av kampen mellom Sandviken og Sogndal i 2. runde i cupen!

I den første runda møtte Sandviken NHHI. Der såg det lenge ut til at det skulle bli cupexit, men Garmann sikra uavgjort for Sandviken 3 minutt på overtid. I ekstraomgangane fekk dei to nye scoringar, og dei vann til slutt 3-1. Sogndal tok turen til Volde i den første runda. Der fekk dei ein tøff start då Volda satt inn 1-0 tidleg i kampen, men sogndølene klarte å snu kampen til slutt etter scoringar frå Mensah og Flataker.

Begge laga kjem frå gode resultat i serien i deira siste kamp. Sandviken tok ein sterk siger på bortebane mot Jerv. Sogndal tok sin første siger i serien mot Ranheim.

Det er eit par spelarar i troppen til Sandviken som har vore på besøk i Sogndal i løpet av dei par siste åra. I vinter var Sogndal på jakt etter ny høgreback, og Sandviken sin back, Henrik Flagtvedt, var på prøvespel i saftbygda. Han leverte brukbart der, men Sogndal enda opp med å hente Diogo Bras og Ronney Onyango. Vebjørn Høynes var på prøvespel i Sogndal tilbake i 2023. Han signerte for Førde kort tid etterpå. I dag får dei sjansen til å vise seg fram mot klubben dei kunne ha signert for om ting hadde gått litt annleis.

I fjor vart det tap for Sandviken i den første runda i cupen, då dei tapte mot Bjarg i ein dramatisk kamp. Det vart også dramatisk for Sogndal då dei fekk sin cupexit i den tredje runda mot Eliteserielaget KFUM. Det vart til slutt tap på straffesparkkonkurranse, men kampen var langt ifrå ferdig etter det. Det viste seg at KFUM hadde brukt ein suspendert spelar, og håpet om avansement vart på nytt tent for Sogndal. Til slutt vart det berre ein økonomisk straff for KFUM, og Sogndal var ute av cupen. Heile denne situasjonen førte til at Sogndal følte at dei gjekk glipp av ei moglegheit til å gå langt i cupen, og det er noko dei ønskjer å revansjere i år. Då må dei ta seg forbi Sandviken på Stemmemyren i det som kan bli ein tøff bortekamp for Sogndal som ikkje har funne toppnivået sitt under Pimenta endå.

Begge laga gjer fleire endringar etter førre kamp. Trætteberg er inne i forsvaret til Sandviken. På midtbana har både Dalstø og Lotsberg kome inn. Vebjørn Høynes er inne som spiss og Kristoffer Røttingen kjem inn på venstrekanten. Bortelaget gjer to byter i forsvaret. Haruna og Onyango er inne. På midtbana får Borgthorsson og Steinset sjansen. Nundal startar på topp og har med seg Pedersen som startar sin første kamp for Sogndal.

Høynes tek avspark, og kampen har starta!

Vapne skaffar ein corner tidleg i kampen for bortelaget.

Det blir skummelt i boksen til Sogndal. Onyango slår ballen ut til corner.

Ny corner for Sandviken etter eit langt innkast.

Sandviken har vist fram både hjørnespark og lange innkast i starten av kampen. Det kan vere ein nøkkel viss dei skal klare å true Sogndal.

Bergsvik rotar det nesten til i eigen boks, men får frispark.

Sandviken vil ha straffespark når Røttingen går i bakken. Han blir vinka opp igjen.

Flagtvedt prøver å ta imot eit innlegg, men er for tøff mot Bras. Frispark.

Pedersen får lyst til å avslutte etter eit fint forarbeid av Borgthorsson, men han blir pressa før han får avslutta mot målet.

Sogndal har ikkje klart å ta kontroll over kampen sjølv om det skal vere divisjonsforskjell mellom laga.

Trætteberg får eit frispark når han blir tråkka på av Borghtorsson. Får ganske vondt, og frisparket er soleklart.

Stopparen må få tilsyn av medisinsk personell etter duellen. Han kjem seg opp til slutt, og vil halde fram i kampen.

Skåre Tune kjem til ein brukbar sjanse! Han blir spelt gjennom åleine med Jendal av Dalstø. Avslutninga går rett på keeperen.

Pedersen vinn ballen høgt i bana, og prøver på ein chip frå distanse. Går langt over målet.

Heimelaget leiter ofte etter Flagtvedt ute til høgre. Han kjem seg ofte forbi Bras, og har slått eit par innlegg som kunne blitt til sjansar.

Flagtvedt får slått inn igjen! Han finn Høynes inne i boksen, men han klarar ikkje å gjere anna enn å legge til rette for at Jendal kan plukke opp ballen.

Frispark til Sandviken når dei skal klarere eit innlegg frå Sogndal.

Dommaren stoppar spelet for å sjekke om det går bra med Dalstø. Han har litt vondt, men klarar å halde fram.

Dalstø set seg ned på graset. Kan sjå ut som at han må ut.

Sandviken har fått sett inn på Thorsen, og kampen kan fortsette.

Bras slår ballen tilbake til Jendal som tek den opp med hendene. Sandviken kan ikkje forstå at det ikkje blir dømt tilbakespel der.

Sogndal forsøker seg på eit innlegg ute til høgre, men det treff ingen av spelarane som står inne i boksen.

Det har ikkje vore mange store sjansar so langt i kampen. Bortelaget har ikkje skapt noko. Heimelaget har ein stor sjanse med Skåre Tune.

Corner for heimelaget. Denne gongen til høgre i bana.

Eit langt innkast ender med endå ein corner.

No er det bortelaget sin tur til å forsøke seg på corner.

Granheim er livredd for å gi vekk innkast etter å ha sett kor langt Flagtvedt kastar.

Sogndal sin første sjanse kjem frå ei heading av Nundal. Borgthorsson gjer ein god jobb før han slår inn. Headinga er ikkje presis nok.

Heimelaget kan ta eit langt innkast rett før pause.

Det har ikkje skjedd mykje før pause. Begge laga har hatt ein brukbar sjanse kvar, og Sandviken sin sjanse var nok den største. Heimelaget har hatt betre kontroll enn Sogndal, som ikkje har klart å få til spesielt mykje.

Skaanes varmar opp i pausen, og mykje tyder på at han skal inn for Sogndal. Det same gjeld Hagen.

Pimenta gjer tre endringar i pausen. Det er tydeleg at han ikkje er nøgd med det han har sett so langt.

Heimelaget får ein corner tidleg i omgangen.

Nundal lobbar ein ball mot Pedersen. Han headar ballen inn igjen i bana etter at den har vore ute, og det blir dømt utspel for keeper.

Tabbe i forsvaret til Sandviken. Ballen går til Skaanes, men han blir blokkert før han får avslutta. Sogndal har mykje høgare intensitet no enn dei hadde før pause.

Hagen slår ballen inn til Skaanes som igjen prøver å slå inn til ein av spissane. Ballen blir akkurat blokkert før det blir farleg.

Pedersen skaffar ein corner for Sogndal.

Skaanes kjenner på noko etter scoringa, og får litt behandling.

Tungt for Sogndal at Skaanes må ut. Han skapte meir på dei 12 minutta han spelte i dag enn dei andre klarte å gjere før pause.

Kampbiletet har snudd etter pausen. Sogndal har mykje meir kontroll over kampen.

Sjølstad dreg seg framover ute til venstre. Dei klarar ikkje å utnytte overtalet dei skapte, og ballen ender i hendene til Bergsvik.

Hagen prøver seg frå distanse. Avslutninga treff ein motspelar, og går ut til corner.

Tida renn ut for Sandviken som slit med å skape store sjansar etter pausen.

Thorsen kjem seg inn i boksen, og prøver å avslutte i lengste stolpe. Ballen går utanfor.

Endringane som Pimenta gjorde i pausen har endra kampen mykje. Nivåforskjellen mellom laga har vist seg i den andre omgangen.

Blir skummelt på eit langt innkast frå Sandviken. Bruun-Hanssen headar ballen vidare inn i boksen, og ballen snik seg utanfor stolpen. Dei lange innkasta til Sandviken blir farlege.

Pedersen prøver på ei blanding av ei avslutning og eit innlegg. Ballen går nesten til Hagen, men han rekk ikkje fram til den.

Pedersen snur seg, og prøver å avslutte samtidig. Ballen går utanfor stolpen. Sogndal dominerer fullstendig.