Sogndal

Slutt

1-1

Haugesund

Mane10'

1-0

1-1

Søderlund72'

TIL

Slutt

BRA

SIF

Slutt

AFK

ODD

Slutt

LSK

VIF

Slutt

Ble dekket av NTBNTB

Hei, og velkommen til livedekning av oppgjeret Sogndal - Haugesund frå Fosshaugane Campus!

Spelarane er i full gang med oppvarming her på Fosshaugane.

Sogndal er nummer fem, og laget har fem poeng etter dei tre første seriekampane. Gjestene har eitt poeng mindre, og er nummer sju.

I fjor enda dette oppgjeret med 3-1 til Sogndal. Frå det oppgjeret er det berre Ørjan Hopen som er att i startoppstillinga.

Sju grader i Sogndal for augeblinken. Det kryp nok ned mot null grader utover i kampen.

Kristoffer Helgerud er dagens dommar. Med seg på linjene har han Odd Arne Vangen og Ole Johan Løvberg. Vi ynskjer dommartrio og spelarane lukke til!

Sogndal stiller med same mannskap som dei gjorde i førre kamp mot Rosenborg. Gjestene har gjort to endringar. Ugonna Anyora og Maic Sema er begge på benken i dag, og er blitt erstatta av Trygve Nygaard og Håvard Storbæk.

FKH-spiss Oddbjørn Skartun er tilbake på Fosshaugane der han starta karrieren. I dag sit han på benken for bortelaget.

Laga er på veg inn på bana. Nærmar seg kampstart!

Kampen har startet

FKH tek avspark.

Lang ball mot Søderlund, som er på feil side av forsvarsrekkja. Offside!

Grasmatta på Fosshaugane har ikkje blitt brukt sidan førre heimekamp mot Hønefoss. Då klaga begge lag over standeren på underlaget.

Sogndal får tildelt et hjørnespark

Tonny Brochmann

FHK får avklart.

Fevang prøver å finne Andreassen på løp, men Patronen får ein lang fot på ballen.

Brochmann slår inn frå høgrekanten, men Hopen bommar på ballen i det han skal skyte frå 20 meter.

Sogndal festar eit grep om kampen dei første minutta.

Hopen prøver seg frå 25 meter. Langt utanfor.

Andreassen og FKH vil ha straffe, etter ein situasjone inne i feltet. Dommar Helgerud vinkar spelet vidare. Såg ut som ei riktig avgjerdsle.

Frispark til Sogndal i god posisjon, 23 meter frå mål. Hopen står klar.

Sogndal 1 - 0 Haugesund

Mål: Malick Mane

Hopen slår eit nydeleg frispark i retning det lengste hjørnet. Der må Kristiansen gje retur - og Mane er på riktig plass. 1-0 til heimelaget!

10'

Pangstart for heimelaget, som har gått mållause av bana i dei to siste kampane.

12'

FKH prøver seg. Storbæk avsluttar frå åtte meter, men skotet blir blokkert av Skaasheim.

14'

Patronen viser duellstyrke, og får applaus av heimepublikumet.

14'

Mane utfordrar, men får ikkje frispark i duell mot Våge Nilsen.

16'

Sogndal har opna kampen klart best her på Fosshaugane.

18'

Frispark frå Hopen, som blir klarert på bakerste stolpe. Sogndal får innkast midt på FKH sin banehalvdel.

19'

FKH angrip med mange spelarar, men den siste avgjerande pasningen mot Djurdjic blir litt for lang. Hopen er nede i eige forsvar og skjermar ballen ut.

20'

Flo er nede i eige forsvar, men held på å rote det til for både seg sjølv og resten av laget. Patronen er på rett på plass, og får ballen unna.

23'

Bangura med langpasning utan adresse, og midtstopparen får høyre det av lagkameratane.

24'

Valsvik prøver å avklare, men begge forsøka går høgt til himmels. Det siste går også til corner for FKH.

26'

Haugesund får tildelt et hjørnespark

Joakim Våge Nilsen

Ny corner.

26'

Haugesund får tildelt et hjørnespark

Joakim Våge Nilsen

Sogndal avklarar til corner - igjen.

26'

Haugesund får tildelt et hjørnespark

Håvard Storbæk

Valsvik ryddar unna.

26'

Brochmann leiker seg, og gir til Badji. Pasningen frå midtbanespelaren mot Mane er for lang, og gjestene får innkast.

28'

Lang ball mot Andreassen som stussar vidare til Djurdjic. Patronen er tett på, og vinn duellen.

30'

Sogndal med fin overgang, og Mane skyt frå 22 meter. Over!

31'

Søderlund testar skotfoten frå 25 meter. Får corner.

33'

Haugesund får tildelt et hjørnespark

Joakim Våge Nilsen

Sogndal avklarar til ny corner, men dommar Helgerud får ikkje med seg kven som er sist på ballen. Difor er det Udjus som no står med ballen - klar til utspark frå mål.

33'

Gjestene betre med i kampen no.

36'

Brochmann tek med seg ballen på tvers av sekstenmeteren. Han vender - og skyt. Utanfor!

37'

Sogndal får tildelt et hjørnespark

Tonny Brochmann

Lang corner, og gjestene får avklart.

38'

Stor sjanse til FKH! Storbæk legg inn frå høgrekanten, og Søderlund er først på innlegget. Avslutninga går like utanfor! Nær 1-1 der!

39'

Sogndal-forsvaret slit med avklaringane, og trenar Olsson gir beskjed kva han meiner.

42'

Sogndal med stor sjanse! Brochmann finn Mane på løp, og han tek med seg ballen inn i feltet. Han avsluttar høgt over, medan Furebotn og Hopen står heilt ledige berre nokre meter betre plassert. Der burde det blitt 2-0, Mane!

44'

Søderlund blir lagt ned inne i feltet. Også denne gongen vinkar Helgerud spelet vidare. Var det rett? Usikker på det, dommar!

45'

Det er lagt til eitt minutt.

45'+1

Pause

45'+2

Då går laga til pause på stillinga 1-0. Mane scora sitt første mål i Sogndal-drakta, på retur etter eit flott frispark frå Hopen.

Har du spørsmål eller innspel, kan du kome med desse til underteikna på Twitter. Der finn du meg med @FirdaAsgeir. Følg med, også i andre omgang!

Då er laga klare for dei siste 45 minutta.

2. omgang

45'

Sogndal tek avspark.

46'

Andreassen blir lagt i bakken av Brochmann. Frispark midt inne på heimelaget sin banehalvdel.

47'

Frisparket går inn i feltet, men heimelaget avklarar.

48'

Sogndal-keeper Udjus nærmar seg rekorden til Daniel Ørlund på å halde buret lengst mogleg i strekk, utan baklengsmål. I 2010 stod svensken i mål i 553 minutt med å halde nullen. Om Udjus klarar dette i 68 minutt i dag, er rekorden hans!

51'

Inn: Michael Haukås

Ut: Tor Arne Andreassen

Andreassen må ut med skade.

51'

Haugesund får tildelt et hjørnespark

Håvard Storbæk

Søderlund avsluttar med pannebrasken. Utanfor.

52'

Flo prøver seg, men spissen får ikkje skikkeleg treff på avslutninga. Keeper Kristiansen reddar enkelt.

55'

Begge lag har fleire spelarar i oppvarming.

56'

Langt innkast frå Teniste, som Flo stussar vidare. FKH får ballen unna!

56'

FKH vil tydeleg ha med seg poeng frå Fosshaugane. Laget angrip med mange spelarar når dei stormar i angrep. Dette vil også gi Sogndal-spelarane meir rom utover i kampen.

57'

Djurdjic får ballen inne i feltet, men møter veggen i duell mot Patronen. Vil ha straffe også her, men Helgerud let seg ikkje lure.

58'

Det er gjestene som styrer kampen på Fosshaugane no.

59'

FKH med god sjanse! Haukås blir spelt gjennom forsvaret, men Udjus les spelet og kastar seg fram! Sogndal-keeperer får fortent applaus av heimepublikumet.

61'

Skaasheim med fin pasning mot Flo, men spissen får ikkje kontroll på ballen. Utspark frå Kristiansen.

62'

Bakke gjer seg klar, og skal inn for Sogndal.

64'

Hopen legg Skjerve i bakken. FKH-frispark ti meter inne på Sogndal sin halvdel.

64'

Nygaard med eit langt og høgt tilbakespel mot keeper Kristiansen. Publikum trur ballen skal gå i mål, men sisteskansen har god kontroll!

65'

Inn: Eirik Bakke

Ut: Ulrik Flo

66'

Spissen Flo går ut, og Bakke kjem inn som eit anker på midtbana. Sogndal skal forsvare seg til tre poeng her på Fosshaugane!

67'

Der er vi inne i det 68. speleminutt, og Udjus har dermed sett ny rekord med 553 minutt utan baklengsmål. Vi gratulerer!

69'

Inn: Maic Sema

Ut: Håvard Storbæk

70'

Sangstjerne Tone Damli Aaberge og fotballpresident Yngve Hallèn ser begge kampen frå tribunen.

71'

Sogndal får tildelt et hjørnespark

Ørjan Hopen

God corner frå Hopen, og Skaasheim tek seg av returen frå 20 meter. Utanfor!

71'

Sogndal 1 - 1 Haugesund

Mål: Alexander Søderlund

Langt framspel mot Haukås, og Udjus går fram for å bokse. Det gjer han, rett i beina til Søderlund, som set ballen forbi to Sogndal-forsvarar og i ope bur. 1-1!

72'

Alt i alt fortent at Haugesund utlikna. Laget har vore frampå ved fleire høve, og spesielt målscorar Søderlund har laga trøbbel for Sogndal-forsvaret.

75'

Sogndal-frispark 30 meter frå mål. Hopen står klar ved ballen.

78'

Hopen skyt knallhardt, rett i hovudet på Bangura - som går rett i bakken. Stans i spelet.

78'

Bangura er oppe på beina att, og Hopen gir midtstopparen eit klapp på skulderen. Han får også applaus av publikumet her i Sogndal.

79'

Kjempesjanse for Sogndal! Mane avsluttar, og keeper Kristiansen gir retur. Hopen får ballen på direkten, men klarar ikkje å styre ballen i mål. Den stryk stolperota, og det går eit langt sukk blant tilskodarane. Der var Sogndal verkeleg nære!

80'

Sogndal i angrep, og Mane gir til Brochmann inne i feltet. Han dreg med seg ballen mot dødlinja, men ballen er over streken i det han avsluttar mot mål. Utspark frå keeper.

81'

Inn: Tore André Flo

Ut: Tonny Brochmann

82'

Sogndal er tilbake med to midtspissar, etter at Flo no er på bana.

83'

God sjanse for FKH! Innbytar Sema dreg seg fri inne i feltet, og skyt. Like utanfor!

84'

Udjus avsluttar kampen med cap, og har god utsikt mot kveldsola her på Fosshaugane.

85'

Haugesund får tildelt et hjørnespark

Maic Sema

Bjørnbak er høgst inne i feltet, men ballen sklir av panna. Utspark frå Udjus.

85'

3114 tilskodarar ser kampen.

86'

Haukås får seg ein skikkeleg smell i duell mot Bakke. Innbytaren blør frå ansiktet, og må få hjelp på sidelinja.

88'

FKH spelar no med ti mann.

88'

Haukås er no tilbake på bana.

89'

Elvis er tilbake på bana, etter at ivorianaren har slite med skade tidlegare i sesongen.

90'

Det er lagt til fire minutt.

90'+1

Frispark i god posisjon for FKH. Bjørnbak står ved ballen.

90'+1

Bjørnbak skyt frisparket knallhardt, og Udjus må ut i full strekk for å redde skotet!

90'+1

Haugesund får tildelt et hjørnespark

Maic Sema

Sogndal får ballen unna.

90'+2

Ser ut som det er gjestene som er mest på hugget dei siste minutta.

90'+2

Heimelaget i angrep no.

90'+3

Gult kort til Sogndal

Taijo Teniste

Riv i trøya.

90'+4

Kampen er slutt

90'+4

Då er kampen slutt her på Fosshaugane! Det vart 1-1, etter at laga scora kvart sitt mål i kvar sin omgang. Gjestene var klart best i den andre omgangen, og føler nok dei kunne tatt med seg tre poeng frå saftbygda.