Sogndal

Slutt

1-2

Lillestrøm

0-1

Moen15'

Mane22'

1-1

1-2

Andersson24'

Scoret sitt første for sesongen

Ingen poeng for Sogndal

Vaagan Moen: - På tide!

Lillestrøm fortsetter å plukke poeng

Deila etter nedturen: - En del barnerumper utpå her

Ble dekket av NTBNTB

Hei, og velkommen til Sogndal - Lillestrøm frå Fosshaugane Campus!

Dette er den 23. serierunden av årets Tippeliga. Sogndal er nummer sju med 29 poeng, medan gjestene er to plassar bak med eitt poeng mindre.

Dei tre siste Sogndal-kampane har alle enda 1-0. Det gav laget totalt seks poeng etter kampane mot Sarpsborg og Viking, medan Brann vart for sterke i førre runde.

Lillestrøm er inne i ein fin periode, og har ikkje tapt sidan 7. juli. Berre Rosenborg har ei lengre rekkje utan tap akkurat no, enn LSK. Sist serierunde vart det 1-0 mot Odd heime på Åråsen.

Både Hannu Patronen og Ruben Holsæter må sone karantene i denne kampen. Dei har tilsaman vore på bana i 41 kampar i år, så det er ikkje tvil om at trenar Jonas Olsson får ei litt større oppgåve med å setje sammen laget denne gongen. Hos LSK må Frode Kippe sone karantere for det raude kortet han fekk mot Odd. Dermed har begge lag ute to av sine beste midtstopparar til kampen.

Tilsvarande oppgjer i fjor enda med 1-0 til Sogndal. Den gongen scora Malick Mane i det 90. speleminutt.

Både Kenneth Udjus og Isak Scheel har hatt Fosshaugane Campus som arbeidsstad. Laurdag møter dei gamle lagkameratar i saftbygda.

Vi kjem tilbake med lagoppstillingar og meir informasjon om oppgjeret når det nærmar seg kampstart. Følg med!

Då er lagoppstillingane klare, og det er verdt å merke seg at midtstopparane Hannu Patronen og Frode Kippe høvesvis blir erstatta av Bjørn Inge Utvik (17 år) og Marius Høibråten (18 år).

Laga er no i garderoben for å gjere sine siste førebuingar til kampen.

Stao no pao på full styrke over stadionannlegget like før kampstart. Dette blir spennande!

Kampen har startet

Sogndal tek avspark.

Andersson får seg ein smell etter at Karadas er litt tøff i ein duell. Svensken ligg nede for telling.

Midtbanespelaren ruslar roleg haltande ut over sidelinja, men er nok snart tilbake på bana.

Andersson er tilbake på bana, og det er no 11 mot 11 att.

Alle dei fire spelarane i Sogndal si forsvarsrekkje har spelt kampar med flagget på brystet. Teniste for Estland sitt A-landslag, medan Skaasheim, Valsvik og Utvik alle er representerte på ulike norske aldersbestemte landslag.

Riise finn Vaagan Moen, som legg tilbake til Stoor som klinkar til frå 25 meter. Over!

Jamn opning på kampen.

Tilbakespel mot Udjus som Stamnestrø jaktar. Sisteskansen må leggje ballen bort på venstrefoten, og får straks litt dårleg tid. Han avklarar til innkast.

Sogndal får tildelt et hjørnespark

Magnus Stamnestrø

Udjus får etterkvart kontroll, og set raskt igang.

Helstad får ballen inne i feltet, men er i offside.

10'

Ballen går i mål bak Udjus, men Flo er i offside. Ingen protestar på den.

10'

Kampens største sjanse! Knudtzon slår inn i feltet, og Vaagan Moen hoppar over ballen. Der kjem Pálmason i stor fart, men han bles ballen hardt over!

11'

LSK trillar ball, og styrer spelet på Fosshaugane - nett slik dei har uttalt på førehand at dei ville gjere.

13'

Sogndal-keeper Dahlin legg seg ned på kne, og slit tydlegvis med ein skade.

14'

Han er tilbake på beina att, og signaliserer til både dommar og benken at det går betre no.

14'

Frispark i fin posisjon for LSK! Vaagan Moen går nok rundt med eit lite smil om munnen no. Ligg det 0-1 i lufta?

14'

Vaagan Moen står ved ballen.

15'

Sogndal 0 - 1 Lillestrøm

Mål: Petter Vaagan Moen

Jada. Frispark på 19 meter og Vaagan Moen = 0-1!

15'

Meget fin scoring av LSK-kapteinen! Skrudde ballen over muren, bak ein stilleståande Dahlin i Sogndal-buret.

17'

Dermed fekk LSK den opninga dei hadde håpa på denne kampen. No må Sogndal meir framover på bana.

17'

Det var Pálmason som vart lagt i bakken i situasjonen som førte til frisparket.

18'

Svensk trenar-duell på sidelinja i dag. Olsson vs Haglund. Er det sistnemnde som skal vere sterkast i dag?

19'

LSK held fram med å styre spelet her på Fosshaugane.

20'

Sogndal sin toppscorar Mane, har vore heilt usynleg til no i oppgjeret.

21'

LSK har hatt problem utan Kippe på laget. Med midtstopparen på laget går det i snitt 105 minutt mellom kvar gang LSK slepp inn mål. Utan Kippe på laget viser statistikken eitt baklengsmål i snitt per 31. minutt.

22'

Sogndal 1 - 1 Lillestrøm

Mål: Malick Mane

Målgivende: Rune Bolseth

Bolseth viser overblikk i verdsklasse, og spelar Mane heilt fri. Han vender, og set ballen enkelt i mål bak Udjus. Laga er dermed like langt!

22'

Gult kort til Sogndal

Malick Mane

Fekk gult kort for feiringa, der han tok drakta over hovudet.

23'

Sogndal 1 - 2 Lillestrøm

Mål: Johan Andersson

Aj aj aj! Her skjer det fort! Andersson klinkar til frå 25 meter, og Udjus prøver å halde ballen. Det klarar han ikkje, og ballen trillar roleg over linja. Stor kepertabbe, kallar vi slikt!

24'

Lillestrøm får tildelt et hjørnespark

Bjørn Helge Riise

Ufarleg.

26'

Scoringa kom etter ein corner, der Andersson fekk ballen i returrommet.

26'

Sagna testar skotfoten frå 25 meter. Over!

27'

Ny fin sjanse for LSK! Ringstad kjem nydeleg rundt på venstrekanten og slår inn i feltet. Der kjem Knudtzon på bakerste, men set ballen utanfor!

28'

Framleis gjestene som styrer på Fosshaugane, noko dei tilreisande supportarane frå Lillestrøm set pris på.

30'

Innlegg frå venstrekanten, og Karadas avsluttar. Over tribunen, og rett på Sogndalselva.

32'

Kampen har roa seg nokre hakk, etter nokre intense minutt rundt scoringane.

34'

Sagna ligg nede for telling, men LSK held fram med å angripe. Endar med offside på Stoor, etter at han nikkar like utanfor.

35'

Flo klinkar til med eit frekt forsøk frå 30 meter. Like utanfor!

36'

Sogndal blir pressa bakover på bana, og LSK har full kontroll på banespelet no.

38'

Det går mot ein alvorsprat i Sogndal-garderoben i pausen. Olsson er nok langt ifrå nøgd med det spelarane har levert den første omgangen.

40'

Stamnestrø går i bakken. Frå frispark på eigen banehalvdel.

42'

Stamnestrø går i bakken. Får frispark på eigen banehalvdel.

42'

Sogndal får tildelt et hjørnespark

Magnus Stamnestrø

Blir avklart.

43'

Pálmason ufin mot Stamnestrø, som tek frisparket sjølv.

44'

Sagna er først på ballen når frisparket blir slått inn i feltet, men Udjus har ingen problem med å plukke ned andreballen.

45'

Stamnestrø skyt frå 24 meter. Like utanfor!

45'

Sogndal får tildelt et hjørnespark

Magnus Stamnestrø

Sagna er nok ein gong først på ballen, men får ikkje skikkeleg treff på kula.

45'+1

Pause

45'+2

Laga går til pause med 1-2. LSK har hatt banespelet og flest sjansar den første omgangen. Difor er det heilt fortent at gjestene er i føringa.

2. omgang

45'

LSK tek avspark.

46'

Dei same 22 spelarane som avslutta første omgang er å finne også etter pause. Men det går nok ikkje lang tid før Olsson tek sitt første byte, om han har lyst på poeng her i ettermiddag.

46'

Sogndal-frispark frå Stamnestrø, over alle kvitkledde i feltet.

47'

Sogndal trillar ball på eigen halvdel, men blir pressa av LSK-spelarane, som legg inn presset langt høgare oppe i bana enn det heimelaget gjer - sjølv om det står 1-2.

50'

LSK har berre to sigrar på elleve forsøk på bortebane denne sesongen. Blir det årets tredje i dag?

52'

Lillestrøm får tildelt et hjørnespark

Petter Vaagan Moen

Over heile feltet, og til utspark frå målet til Dahlin.

52'

Sogndal prøver seg no. Speler seg fint fram, og Stamnestrø skyt frå 16 meter. Utanfor.

55'

Langt innkast frå Teniste mot Valsvik, som ikkje heilt fekk til det han prøvde på. LSK overtek.

57'

Lillestrøm får tildelt et hjørnespark

Bjørn Helge Riise

Valsvik avklarar.

58'

Inn: Gilbert Koomson

Ut: Magnus Stamnestrø

59'

Koomson kjem inn, tidsnok til å få børspoeng. Så gjenstår det å sjå om han klare å heve heimelaget - og snittet på Sogndal-børsen.

61'

Innbytar Koomson viser seg fram og skyt frå 15 meter. Via Udjus til corner!

61'

Sogndal får tildelt et hjørnespark

Gilbert Koomson

Ender med utspark frå Udjus.

61'

Karadas pressar Udjus, som avklarar til innkast.

63'

Unge Høibråten må ut på sidelinja, etter at Flo treff han i ansiktet. Han er ute for å tørke litt blod, men er nok straks tilbake på bana. Stoor vikarierer på stopparplass imens.

65'

Kampen har roa seg i intensitet, og LSK satser nok på at kampen skal ebbe ut i dette 1-2 resultatet.

67'

Mane skyt, via Stoor til corner!

67'

Sogndal får tildelt et hjørnespark

Rune Bolseth

Valsvik riv seg laus på bakerste stolpe, men får ikkje avslutta mot mål. Ny corner!

67'

Sogndal får tildelt et hjørnespark

Rune Bolseth

LSK får kontroll.

68'

Ringstad ligg nede for telling, etter at han fekk seg ein trøkk av medspelar Udjus i feltet.

69'

Inn: Espen Næss Lund

Ut: Eirik Skaasheim

70'

Gult kort til Lillestrøm

Vel ivrig i Sogndal-trøye nummer 22, og Mane får frispark.

70'

Med Næss Lund inne på bana, går Utvik ut på høgreback, medan innbytaren går inn på midtstopparplass.

71'

Karadas med sitt beste forsøk i kampen. Får ballen på 17 meter, og skrur ballen forbi både keeper og utsida av stolpen.

73'

Koomson har vore med å heva Sogndal etter sitt innhopp. Heimelaget har kome litt lenger opp i bana, og jaktar utlikning.

74'

Inn: Thomas Piermayr

Ut: Thorstein Helstad

74'

Stor sjanse for Sogndal! Lang ball opp i feltet som Næss Lund nikkar vidare. Det luktar Valsvik, som set ballen i stolpen! Udjus var nok på ballen, og kan ta store deler av æra for at det framleis står 1-2!

74'

Frispark i fin posisjon for Sogndal. Hadde Hopen framleis vore i klubben og på bana hadde nok han lagt ballen til rette no. Istaden er det Mane og Koomson som melder seg til teneste.

76'

Mane tek frisparket - og Udjus er nære på å kopiere keepertabben til Dahlin tidlegare i kampen! Men heldigvis for LSK-målvakten får han kontroll på ballen, før den passerer streken. Sogndal nærmar seg 2-2 no!

78'

Sogndal får tildelt et hjørnespark

Gilbert Koomson

LSK får kontroll.

79'

Gult kort til Sogndal

Sidy Sagna

Etter takling på midten.

80'

Det er Sogndal som styrer spelet no, og er langt nærmare 2-2 enn det LSK er 1-3. Denne gongen var det Otoo som klinkar til frå 25 meter. Udjus må gi til corner.

82'

Sogndal får tildelt et hjørnespark

Gilbert Koomson

LSK får ballen unna.

83'

Innlegg frå venstre, og Valsvik vinn duellen i feltet. Han avlsuttar over!

83'

Sogndal får tildelt et hjørnespark

Gilbert Koomson

Vaagan Moen avklarar.

84'

Blir ein forsvarskamp for gjestene dei siste minuttane no.

85'

Inn: Erik Mjelde

Ut: Petter Vaagan Moen

Vaagan Moen ruslar av Fosshaugane, på bana der han debuterte som tippeligaspelar for Ham Kam.

85'

2942 tilskodarar ser kampen. Det er under snittet for Sogndal sine heimekampar denne sesongen.

86'

Mjelde med høg alboge i duell mot Næss Lund.

88'

Gult kort til Lillestrøm

Erik Mjelde

Etter duellen mot Næss Lund.

88'

Innbytar Mjelde må dermed stå over neste kamp, etter at dette var hans tredje gule kort i sesongen.

89'

Heimelaget har dårleg tid no, om det skal bli poeng her. Viss ikkje går laget på sitt tredje heimetap denne sesongen.

90'

Mane er kåra til dagens Sogndal-spelar av ein lokal jury.

90'

Det er lagt til minimum fire minutt.

90'+1

LSK i angrep no, og får corner.

90'+1

Lillestrøm får tildelt et hjørnespark

Erik Mjelde

Kort variant, og får frispark ved hjørneflagget.

90'+1

Sogndal får tildelt et hjørnespark

Gilbert Koomson

Dalhin er oppe i feltet, men det hjelp ikkje. Mane får ballen, men bles den over!

90'+2

Innkast ved Teniste no, og Utvik får ballen. Han slår langt inn i feltet, men Karadas når den ikkje.

90'+3

Straks over på Fosshaugane no!

90'+4

Mane slår inn, men LSK avklarar. Sogndal framleis i angrep.

90'+5

Kampen er slutt

90'+5

Då er kampen over, og den endar med 1-2. Alle måla kom i ein periode på ni minutt i første omgang. LSK eigde første omgang, medan Sogndal var best etter pause. Heimelaget hadde sjansar etter pause som fort kunne ført til nettkjenning, men LSK greidde å halde tett bakover. Dermed held LSK fram sin gode trend, medan Sogndal går på sitt fjerde tap på seks kampar.