Mane90'+4
1-0
Hei, og velkommen til livedekning av oppgjeret Sogndal - Lillestrøm frå Fosshaugane Campus!
Botnoppgjer i Tippeligaen dette. Lillestrøm er før helgas runde nummer 12 på tabellen med sine 28 poeng, medan heimelaget er plassen bak med sine 24 poeng. Difor ein svært viktig kamp for begge lag.
Begge desse laga spelte 0-0 førre runde. Og når Fosshaugane er den stadion i Norge der det har blitt scora færrast mål denne sesongen, skal ein ikkje sjå bort ifrå at enkelte ivrige tipparar har satsa på eit målfattig oppgjer også i dag.
Sogndal-trenar Jonas Olsson har gjort ei endring på laget som spelte uavgjort mot Hønefoss sist. Ruben Holsæter er plassert på benken, etter at Ørjan Hopen er tilbake frå karantene.
Gjestene har også gjort endringar på laget. Bjørn Helge Riise var lenge usikker til kampen, men er ikkje å finne i startoppstillinga. Han er likevel med til saftbygda, men ser likevel dagens kamp frå benken. Inn kjem Johan Andersson. Palmi Rafn Palmason og Fredrik Stoor er også tilbake på laget sidan Viking-kampen, medan Ohi Anthony Omoijuanfo og Erling Knudtzon er ute av laget. Sistnemnde er å finne på benken i dag.
Sogndal-keeper Kenneth Udjus har alt signert for Lillestrøm neste sesong. Ingen tvil om at dette blir ein spesiell kamp for heimelaget sin solide målvakt.
Begge lag i full gang med oppvarming nede på kunstgraset no.
Lillestrøm har tatt fleire poeng på borte enn det Sogndal har gjort på heimebane denne sesongen. Berre to lag har fleire baklengsmål enn gjestene på bortebane i år. Samstundes er det berre Stabæk som scorar færre mål enn det Sogndal gjer på sin heimebane i år.
Spelarane er i garderoben for å gjere sine siste førebuingar før kampstart.
LSK har gjort ei endring på laget no før kampstart. Vaagan Moen startar likevel ikkje grunna vond akilles, medan Knudtzon kjem inn på laget.
Spelarane på veg ut på bana!
Kampen har startet
Sogndal tek avspark.
1'
Vind på Fosshaugane i dag. Likevel gode speletilhøve.
1'
Lang ball mot Helstad, men Udjus gjere seg klar til utspark.
2'
Furebotn må ned for telling, og held seg til låret. Han signaliserer byte.
3'
Blir nok anten Holsæter eller Brochmann som kjem inn for Sogndal, der Hopen overtek den sentrale midtbanerolla.
4'
Innkast til LSK heilt oppe ved hjørneflagget. Stoor skal kaste langt.
4'
Han kastar inn, men Sogndal får avklart.
4'
Furebotn hinkar skuffa langs sidelinja på motsett side. Ikkje kvar gong årdølen berre får tre minutt på bana.
5'
Spillerbytte - Sogndal
Inn: Ruben Holsaeter
Ut: Henrik Furebotn
6'
Hopen inn sentralt, medan Holsæter går inn på venstrekanten.
6'
Kjempesjanse for LSK! Bolly herjar med Sogndal-forsvaret på venstrekanten og slår inn i feltet. Der er toppscorar Knudtzon på rett plass og avsluttar frå kort hald, men Flo reddar på streken!
7'
Teniste får verkeleg køyrt seg på sin høgreback. Farten til Bolly har estlendaren lite å stille opp mot.
9'
Sogndal får tildelt et hjørnespark
Ørjan Hopen
Lav corner, som gjestene får avklart.
9'
Langt innkast frå Teniste, men Flo får frispark imot seg inne i feltet.
10'
Bolly slår inn frå venstre, men Valsvik nikkar unna.
11'
Frisk opning på kampen her på Fosshaugane.
12'
Hopen ut til Flo, men innlegget er for svakt.
13'
Bra stemning på tribunen, der kanarifansen førebels leiar 1-0.
14'
Gjennomspel mot Helstad, men Udjus les spelet godt. Nesten for LSK der!
16'
Sogndal-frispark på midten, men det går heilt inn til keeper Ramovic.
17'
Sogndal ligg svært lavt, og startar ikkje presset før langt inn på eigen banehalvdel.
18'
I fjor vann Sogndal begge oppgjera mot LSK, medan våroppgjeret på Åråsen enda med poengdeling.
19'
Frispark til Sogndal. Hopen står klar ti meter inn på eigen banehalvdel.
20'
Han slår frisparket inn i feltet, og Palmason er først på ballen. Han stussar den likevel bakover i feltet, men Ramovic ryddar opp.
20'
Hauger skyt frå 20 meter. Tre meter utanfor!
21'
Lillestrøm har hatt ballen mest dei første 20 minuttane. Laget har også hatt kampens største sjanse til no, men Flo sin redning på strek hindra 0-1.
22'
Holsæter får ballen inne i feltet. Han finn Mane som skyt. Får corner.
23'
Sogndal får tildelt et hjørnespark
Ørjan Hopen
Sogndal vil ha straffespark inne i feltet grunna hands, men dommar Staberg vinkar spelet vidare. Heimelaget får istaden innkast.
23'
Jubel på Fosshaugane når Molde går opp i 2-0 mot Sandnes Ulf.
24'
Lillestrøm får tildelt et hjørnespark
Johan Andersson
Teniste avklarar på første stolpe.
26'
Det er berre blitt scora 23 mål på Fosshaugane i år. Det er 22 mål færre enn det har blitt gjort i Fredrikstad, der det er blitt scora 43 mål denne sesongen.
27'
Fin sjanse for LSK! Pálmason klinkar til frå 22 meter. Like over!
30'
Holsæter og Flo slår begge inn i feltet, men LSK-forsvaret får avklart begge gongane. Ballen hamnar til slutt hos Badji som skyt, men ballen er nærmare hjørneflagget enn den er målstengene i det den trillar roleg over dødlinja.
32'
Sogndal får tildelt et hjørnespark
Ørjan Hopen
Hard corner, rett i klypene på Ramovic.
33'
Fin pasning mot Bolly, men linjemann er oppe med flagget. Udjus kan gjere seg klar.
34'
Langt innkast frå Teniste, men nok ein gong held Ramovic ballen i fast grep.
35'
Sogndal har framleis ikkje produsert ein skikkeleg målsjanse til no i kampen.
36'
Merkeleg situasjon på Fosshaugane! Hopen med takling på 20 meter, og ballen går rett gjennom til Helstad som avsluttar i tverrliggjaren! Linjemann er oppe med flagget, og Sogndal-forsvaret stoppar opp. Dommar Staberg velg likevel å oversjå sin assistentdommar!
40'
Sogndal sin største sjanse til no i oppgjeret. Santos dreg seg fri inne i feltet og skyt - like utanfor!
41'
Vi nærmar oss pause på Fosshaugane. LSK har vore best så langt den første omganganen.
42'
Pálmason går i bakken, og kanarifansen vil ha straffe. Staberg høyrer ikkje på tilropa, og vinkar islendingen på beina att.
43'
Holsæter slår inn i feltet i retning Santos, men keeper Ramovic kastar seg fram.
44'
Fjerdedommar Hauge frå Djerv viser at det er lagt til eitt minutt.
45'+1
Pause
45'+1
Då bles dommar Staberg av for første omgang. Stillinga er som den var før kampstart, men det er Lillestrøm som har vore nærmast scoring. Knudtzon avslutta frå kort hald, men kaptein Flo redda på streken. LSK har hatt ballen klart mest, og jaktar alle tre poenga her på Fosshaugane.
Har du spørsmål som du ikkje har fått svar på i løpet av den første omgangen, kan underteikna treffast på Twitter med @AsgeirArdal.
Då er vi straks klare for dei siste 45 minuttane.
2. omgang
45'
LSK sparkar igang andre omgang.
46'
Begge lag stiller uendra etter pause.
46'
Flo prøver å utfordre langs høgrekanten. LSK overtek.
47'
Frispark for Sogndal. Hopen står klar.
48'
Hopen klinkar til frå over 30 meter. Like utanfor!
48'
Bolly gjer ein manns jobb på venstrekanten og slår inn i feltet. Knudtzon avsluttar, men Udjus kontrollerer ballen ut.
50'
Fin sjanse for LSK. Flo med feilpasning og gir gjestene ei stor gavepakke. Ballen går rett til Pálmason som skyt frå 16 meter. Rett på Udjus!
52'
Sogndal får tildelt et hjørnespark
Ørjan Hopen
LSK får kontroll.
52'
Heimelaget har opna noko betre i andre omgang. Denne gongen er det Teniste som skal kaste langt inn i feltet.
54'
Han kastar langt, LSK avklarar, og Holsæter skyt frå distanse. Skotet blir blokkert.
55'
Hopen prøver å finne Flo på løp, med Østli viser godt stopparspel. Nikkar roleg tilbake til eigen keeper.
56'
Knudtzon held seg til hovudet, og Badji spelar ballen ut.
56'
LSK-spelaren er tilbake på beina att.
57'
Berre to mål så langt i dagens tippeligarunde. Tydeleg at mykje står på spel i sesongavslutninga for mange av laga!
57'
Hopen skyt frå over 30 meter igjen. Også denne gongen utanfor.
59'
Santos får frispark imot seg. Den brasilianske spissen har ikkje fått til så mykje i Sogndal-drakta, utanom dei to måla han har scora sidan han kom til bygda i august.
60'
Begge lag har fleire spelarar i oppvarming. Får vi snart eit byte?
62'
Jamn kamp dette. Typisk kamp der første målet vinn!
64'
Lillestrøm får tildelt et hjørnespark
Johan Andersson
Sogndal-forsvaret får ballen unna.
64'
Langt LSK-innkast, og delvis kaos i Sogndal-forsvaret før Valsvik får ballen unna. Får corner.
65'
Lillestrøm får tildelt et hjørnespark
Johan Andersson
Sogndal får kontroll.
65'
Innlegg frå høgrekanten, og Kippe luktar på bakerste stolpe. Flo er først på ballen og får gitt til corner.
67'
Lillestrøm får tildelt et hjørnespark
Johan Andersson
Stor sjanse for LSK! Corner inn i feltet, og Kippe er høgst i feltet. Han avsluttar på mål, men Hopen reddar på streken! Ballen går rett til Udjus, som held ballen i fast grep. LSK-spelarane meiner ballen er over streken, men det er umogleg å sjå frå vår posisjon. Utruleg nære 0-1 der!
67'
Sogndal rett i angrep, og Santos vinn hovudduell inne i feltet. Spissen får seg ein trøkk i duellen, men er på beina att.
69'
Spillerbytte - Sogndal
Inn: Eirik Skaasheim
Ut: Taijo Teniste
69'
Bolly får frispark på venstrekanten. Ligg det eit mål i lufta no?
70'
Andersson slår frisparket inn i feltet, men Valsvik er konge i luftrommet. Mane får ballen og stormar fint framover, men touchen er ikkje like god. LSK overtek.
71'
Fin sjanse for LSK! Kippe er med i angrep, og får ballen på 20 meter. Han skyt på direkten, like til side for målet til Udjus!
72'
Gulbrandsen skal inn for LSK.
74'
Frispark til Sogndal oppe ved hjørneflagget. Hopen skal slå inn i feltet.
74'
Hopen slår frisparket hardt inn, og Kippe ofrar alt og avklarar!
74'
Sogndal får tildelt et hjørnespark
Ørjan Hopen
LSK får kontroll.
74'
Fin sjanse for Sogndal! Ulrik Flo får ballen på sekstenmeteren. Han vender og skyt hardt. Rett på keeper!
75'
Spillerbytte - Lillestrøm
Inn: Fredrik Gulbrandsen
Ut: Thorstein Helstad
76'
Kampen har opna seg litt dei siste minuttane. Større avstandar i lagdelane hos begge lag no.
76'
Hauger prøver seg med eit skot, men forsøket går høgt over.
78'
Spørst om Sogndal-trenar Olsson er nøgd med eitt poeng her, ettersom botnrival Fredrikstad også held 0-0 i sin bortekamp mot Haugesund.
79'
Badji slår inn, men det er for lite trøkk i avslutninga frå Mane. Keepermat.
81'
Hopen med takling bakfrå på Andersson på midtbana. Sjølv om frispark-spesialisten slår oppgitt ut med armane, hadde nok dommar Staberg rett i den situasjonen.
82'
To halvsjansar for LSK. Først er det Palmason som skal skyte, men Patronen får takla i siste liten. Like etter skyt Knudtzon frå skrå vinkel, men til tilside for Sogndal-buret.
84'
Spillerbytte - Lillestrøm
Inn: Moryke Fofana
Ut: Mathis Bolly
84'
Fofana opnar sin første kamp i Tippeligaen for LSK med tøff takling på Flo. Frispark til Sogndal.
86'
Sogndal får tildelt et hjørnespark
Ørjan Hopen
Hopen får ballen tilbake, men bles ballen over.
86'
Østli skal nikke tibake til Ramovic, men får det ikkje skikkeleg til. Santos lurer i ryggen, og får ein corner.
88'
Sogndal får tildelt et hjørnespark
Ørjan Hopen
Over heile feltet.
88'
LSK i angrep, og Gulbrandsen avsluttar frå skrå vinkel etter eit innlegg. Rett i nettveggen!
89'
Det er lagt til tre minutt.
89'
Ser ut som begge lag er nøgd med eitt poeng no.
90'+1
Stor jubel på Fosshaugane når Fredrikstad ligg under i Haugesund.
90'+2
Udjus med ballen og slår den heilt inn til keeperkollega Ramovic.
90'+3
Mål for Sogndal!
Sogndal 1 - 0 Lillestrøm
Mål: Malick Mane
Målgivende: Ulrik Flo
Ojojoj! Mane gjer det sjølv for Sogndal og skyt frå 16 meter. Ballen fyk inn bak Ramovic og sender publikum til himmels!
90'+4
Kampen er slutt
90'+5
Sogndal-spelarane jublar for tre poeng, etter ein fantastisk soloprestasjon av Mane fire minutt på overtid! Gjestene har god grunn til å kjenne seg snytt for både eitt og tre poeng, ettersom dei var best store delar av kampen. Gjestene hadde to avslutningar som vart redda på streken, i tillegg til Helstad si avslutning i tverrliggjaren. Spelarane takkar publikum for oppmøtet og ruslar i garderoben.