Velkommen til Sogndal - Strømsgodset frå Fosshaugane Campus!

Desse laga møttest også i årets første serierunde. Den gongen vann Strømsgodset 2-1.

Gjestene står med 1-4-7 på sine bortekampar i år, og målskilnad 9-22. Sidan 15.juli har dei berre scora to mål på bortebane. Sogndal har 5-4-3 heime på Fosshaugane i år, og har 11-8 i målprotokollen.

Ola Kamara er Godset sin toppscorar denne sesongen med åtte mål. Hos Sogndal har både Ørjan Hopen og Ole Jørgen Halvorsen seks mål kvar.

Strømsgodset må klare seg utan fleire sentrale spelarar til denne kampen. Midtbanespelar Anders Ågnes Konradsen fekk rødt kort på overtid i førre kamp mot Odd. I tillegg fekk Lars Christopher Vilsvik sitt tredje gule kort, og må også stå over kampen. Kim Andrè Madsen, Andrè Hanssen og Omar Elabdellaoui er også uaktuelle grunna skader.

Norsk Tipping held Sogndal som knappe favorittar. Heimesiger gir 2.05 i odds, uavgjort 3, medan bortesiger gir tipparane 3.05 gongar att innsatsen.

Førre kamp for Sogndal var det fullt hus på Fosshaugane. Det blir det neppe i dag. Fem timar før kampstart var det framleis over 2800 ledige billettar til dagens oppgjer.

Vi kjem tilbake til lagoppstillingar og meir informasjon når det nærmar seg kampstart.

Spelarane er i full gang med oppvarming. Nærmar seg kampstart på Fosshaugane!

Laga er inne på matta no. Straks klart for kampstart.

Heimelaget tek avspark.

Lang ball Johansen, men Furebotn får kontroll.

Nemnde Johansen spelar i dag sin første kamp frå start for Godset. 20-åringen har vore god for andrelaget i år.

Kaptein Aas prøver å finne Kamara på løp, men ballen går til utspark frå målet til Udjus.

Jamn opning på kampen.

Hansen kjem seg forbi Aas, og blir lagt i bakken. Frispark like utanfor sekstenmeteren. God posisjon!

Furebotn skyt - rett på keeper!

Flo driv framover og finn Elvis. Han vil skyte, men kjem ikkje så langt. Rotar bort ballen og Godset overtek.

Halvsjanse til Sogndal. Halvorsen slår inn til Hansen, som ikkje når opp. Utspark frå Larsen.

Kjempesjanse til Godset! Innlegg frå høgrekanten og Johansen får stå heilt åleine i feltet. Han har god tid, og plasserer ballen til høgre for Udjus. Men ballen snik seg på feil side av stolpen! Der burde det blitt 1-0.

Sogndal-trenar Aabrekk rasande etter at Johansen fekk stå upressa inne i feltet.

Frispark til Sogndal frå 40 meter, og Hopen slår inn. Ballen stryk stolpen, men linjemann er også oppe med flagget.

Per Egil Flo rotar det til i eige forsvar. Kamara stormar mot mål, men blir effektivt stoppa av Solheim og Scheel.

Halvorsen slår inn og Flo vinn duellen i feltet. Keepermat.

Gjestene styrer spelet og er best på Fosshaugane no.

Store rom i Sogndal-forsvaret. Sankoh får tilslutt skyte, via ein Sogndal-forsvarar og rett i klypene til Udjus.

Hovland prøver å finne Furebotn på løp, men pasningen er sjeldan upresis - frå kapteinen.

Hovland driv framover og leverer til Halvorsen. Han dreg av Nuhu og legg inn mot Flo. Spissen får ikkje avslutta skikkeleg.

Scheel viser godt stopparspel i duell mot Kamara. Får applaus etter at han skjermar ballen ut over dødlinja.

Halvorsen tek ballen ned på brystkassa på 20 meter. Han vender, og prøver å drible seg gjennom Godset-forsvaret. Det går ikkje, og eit stort sukk går gjennom publikum.

Fint Sogndal-angrep. Halvorsen slår inn mot Hansen, men Godset avklarar. Returen tek Solheim seg av. Han skyt på direkten - over!

Svakt utspel frå Udjus. Ballen går rett til Abu som driv framover. Han skyt frå 25 meter - over!

Hovland slår ballen der han vil ha Halvorsen på løp. Kantspelaren fullfører ikkje, og det blir utspark frå målet til Larsen.

Keita prøver eit skot frå 20 meter. Blir blokkert.

30-40 tilreisande frå Drammen er på plass på Fosshaugane for å støtte laget sitt i dag.

Hansen slår opp sin gamle strekkskade, og går rett i garderoben.

Hopen klinkar til frå 25 meter! Keeper Larsen får gitt til corner.

Det er lagt til eit minutt.

Gjestene prøver seg, men skotet frå Kamara går heilt inn til Udjus.

Laga går til pause på 0-0. Gjestene hadde kampens største sjanse, då Stefan Johansen fekk stå heile åleine inne i feltet, og avslutta utanfor frå åtte meter. Strømsgodset har hatt ballen mest den første omgangen. Heimelaget har også hatt sine få sjansar. Nærmast var kanskje Hopen sitt langskot like før pause, men Larsen leverte ei fin redning.

Godset tek avspark.

Solheim held seg til lysken, etter duell mot Keita.

Hovland stoppar Johansen på veg framover, og Godset får frispark.

Sankoh skyt frå 30 meter, men skotet går over.

Elvis med feilpasning på midten, og Godset stormar framover. Keita skyt frå 20 meter, høgt over.

Sogndal har vore ufarlige dei første 15 minutta av andre omgang.

Teniste ladar venstrefoten og klinkar til. Rett på keeper Larsen.

Frustrasjon hos heimepublikumet. Sogndal har produsert svært få klare målsjansar i denne kampen.

Utpsark frå Larsen, som har god tid.

Gjestene har god kontroll på kampen. Spesielt duoen Abu og Sankoh på midten har fått vist seg fram, med teknikk og overblikk.

Halvorsen tilbake til Scheel som legg inn. Enkelt for keeper Larsen, som ikkje får konurranse i luftrommet.

Hopen står klar..

Han skyt.. utanfor!

Johansen har spelt godt i sin debut-kamp frå start for Godset. Denne gongen skyt han frå 20 meter, rett på Udjus.

Med tre poeng er Strømsgodset oppe på sjetteplass, og er eit av laga som luktar på medalje i årets Tippeliga.

Nær 1-1 og sjølvmål på Fosshaugane! Teniste slår hardt inn i feltet, og ballen går via eit Godset-bein og rett på keeper Larsen.

Sogndal har lagt om til 4-4-2, og spelar med Furebotn sentralt på midtbana. Brochmann og Flo er spissduoen.

Flo kjem på bana, og Godset-fansen syng: 'Det er bare en Flo i Norge, en Flo i Norge'. Jostein Flo er mannen dei siktar til.

Brochmann stormar framover, men blir stoppa. Får corner.

Andersen tøff i duell mot innbytar Flo, og Sogndal får frispark i god Hopen-posisjon!

Han slår frisparket inn i feltet, men Larsen i Godset-buret held ballen.

38 år gamle Flo nære på å komme åleine med keeper, men pasningen til spissen vart litt for hard. Han viser tommel opp, og er fornøgd med spelet til Sogndal no.

Fin ball mot Kamara, men Udjus les spelet godt og får avklart.

2534 tilskodarar ser kampen.

Brochmann prøver seg med eit skot. Også denne gong rett på keeper.

Det går mot tre poeng til gjestene frå Drammen.

Det er lagt til fire minutt.

Lang ball mot Flo som får corner. Udjus går opp i feltet!

Då vart det poengdeling på Fosshaugane. Slik kampen utvikla seg, må heimelaget vere mest nøgde med det. Innbytar Tonny Brochmann scora sitt første mål for Sogndal, då han på overtid sikra laget eit poeng. Strømsgodset spelte fin fotball, og viste seg fram som eit svært ballsikkert lag.

- Denne scoringa har eg venta på i lang tid, seier Tonny Brochmann til firda.no etter kampslutt. Like glad var ikkje Strømsgodset sin trenar Ronny Deila. - Nei, dette var eit ran. Sogndal har jo nesten ikkje målsjansar. Men vi spelar som miniputtar på overtid. Utruleg bittert, seier han.